काठमाडौँ — प्रधानमन्त्री केपी शर्मा ओली र चिनियाँ राष्ट्रपति सी चिनफिङबीच भेटवार्ता भएको छ। शाङ्घाई सहयोग संगठन (एससीओ)को शिखर सम्मेलनमा भाग लिन आज चीनको थियानजिन पुगेका ओली र सीबीच थियानजिन अतिथि गृहमा भेटवार्ता भएको प्रधानमन्त्री सचिवालयले जनाएको छ।
भेटवार्तामा नेपाल–चीनबीचको द्विपक्षीय सम्बन्ध र सहकार्यबारे छलफल भएको छ। ओलीको स्वागतका लागि चीनका उच्च अधिकारीहरू र नेपालका लागि चीनका राजदूत डा. कृष्णप्रसाद ओली, चेन सोङ लगायत उपस्थित थिए।
चिनियाँ राष्ट्राध्यक्ष सी चिन फिङले शुक्रबार बिहान मकाउ विशेष प्रशासनिक क्षेत्र (एसएआर) का नवनियुक्त प्रमुख कार्यकारी साम हाउ फाईलाई पद तथा गोपनियताको सपथ गराएका छन्।
मकाउ पूर्वी एसियाली खेलकुद डोममा आयोजित एक समारोहमा मकाउ एसएआर को छैटौं कार्यकालको प्रशासनमा सेवा गरिरहेका अन्य प्रमुख अधिकारीहरूले पनि सपथ ग्रहण गरेका थिए।
पदभार ग्रहण गरेपछि, साम हौ फाईले मकाउको “आर्थिक असन्तुलन” लाई सम्बोधन गर्न र त्यहाँका बासिन्दाहरूलाई असर गर्ने मुख्य मुद्दाहरू, सामाजिक सुरक्षा, स्वास्थ्य सेवा, वृद्ध हेरचाह र शहरी पुनर्विकास लगायतका समस्याहरूलाई सम्बोधन गर्ने आवश्यकतामा जोड दिए।
सपथ ग्रहणपछि सी चिनफिङले सम्बोधन गर्दै सन् १९९९ मा चिनियाँ प्रशासनमा फर्किएपछि मकाउमा भएको ठूलो परिवर्तनको प्रशंसा गर्नुभयो।उहाँले मकाउले विकासको नयाँ क्षितिज खोल्ने र नयाँ गौरवको सिर्जना गरिरहने बताए। “एक देश, दुई प्रणाली” को नीति व्यापक, सही र अटल रूपमा लागू गरिएको छ।
चिनियाँ कम्युनिष्ट पार्टी केन्द्रीय समितिका महासचिव तथा केन्द्रीय सैन्य आयोगका अध्यक्ष समेत रहेका सीले मकाउको मातृभूमि फिर्ता भएको २५औँ वर्षगाँठको उपलक्ष्यमा आयोजित भेलामा उक्त टिप्पणी गरेका छन् ।
हंगेरीका प्रधानमन्त्री भिक्टर ओर्बानले चिनियाँ राष्ट्रपति सी जीनपिंगसँग सोमबार बेइजिङमा भेटवार्ता गरेका छन्। सो भेटमा दुवै नेताले युक्रेन संकटबारे छलफल गरेका छन्।
ओर्बानको मस्को र किभ यात्रा पछिको बेइजिङको यात्रालाई “अचानक” र “आश्चर्यजनक” यात्रा, भनेर विभिन्न राजनीतिक विज्ञहरुले व्याख्या गरिरहेको बेला उनले भने यी यात्राहरूलाई “शान्ति अभियान” को रूपमा वर्णन गरेका छन् ।
केही चिनियाँ विज्ञहरूले भने ओर्बानको कूटनीतिले युरोपेली युनियन भित्र केही व्यावहारिक आवाजहरू विस्तार गर्न मद्दत गर्नसक्ने बताएका छन्।
हंगेरीले ईयूको ध्यक्षता ग्रहण गरेपछि ओर्बनको चीन भ्रमण भएको हो। विधुतिय सवारीसाधन जस्ता क्षेत्रमा चीन र ईयूबीच विद्यमान भिन्नताका बीचमा यो भ्रमणले युरोपमा तर्कसंगत र व्यावहारिक आवाज झल्काउँछ, विज्ञहरूले उल्लेख गरे।
ओर्बानले सीलाई हालै युक्रेन र रुसको भ्रमणको बारेमा जानकारी गराए। राष्ट्राध्यक्ष सीले युक्रेन संकटको राजनीतिक समाधानलाई प्रवर्द्धन गर्न ओर्बानको प्रयासको प्रशंसा गर्नुका साथै चीनको सान्दर्भिक विचार र प्रस्तावहरू विस्तारमा व्यक्त गरेका थिए ।
सिले युद्धविराम र राजनीतिक समाधान सबै पक्षको हितमा रहेको कुरामा जोड दिँदै युद्धक्षेत्र विस्तार नगर्ने, लडाइँ नबढाउने सिद्धान्तलाई ध्यानमा राखेर परिस्थितिलाई शान्त पार्ने प्राथमिकता रहेको बताएका छन्
सीले अन्तर्राष्ट्रिय समुदायलाई सहज परिस्थिति सिर्जना गर्न र दुई पक्षबीच प्रत्यक्ष वार्ता र वार्ताको पुन: थालनीका लागि सहयोग गर्न आह्वान गर्दै सबै प्रमुख देशहरूले नकारात्मक ऊर्जाको सट्टा सकारात्मक ऊर्जा ल्याएमा मात्र यो द्वन्द्वमा यथाशीघ्र युद्धविराम हुनसक्ने बताए।
“चीनले सक्रिय रूपमा शान्ति वार्तालाई आफ्नै तरिकाले बढावा दिइरहेको छ र संकटको शान्तिपूर्ण समाधानका लागि सबै प्रयासहरूलाई प्रोत्साहन र समर्थन गरिरहेको छ,” सीले भने, चीन र हंगेरीका आधारभूत प्रस्तावहरू र उनीहरूको प्रयासको दिशा एउटै छ र चीन हंगेरी सबै सम्बन्धित पक्षहरूसँग सम्पर्कमा रहन इच्छुक छ।
हंगेरीको ईयु र नेटो दुबैको दोहोरो सदस्यताको बावजुद, ओर्बानले युक्रेनलाई सैन्य सहायता उपलब्ध गराउने र युक्रेनलाई नाटो र ईयूमा समावेश गर्ने प्रस्तावको बिरूद्धमा आफुलाई उभ्याएको छ।
चिनियाँ राष्ट्रपति सी जिनपिङ रुस भ्रमण जाने भएका छन्। चिनियाँ राष्ट्रपति आगामी सोमबार मस्को पुग्ने र तीन दिन बस्ने छन् ।
क्रेमलिन र चिनियाँ विदेश मन्त्रालयका अनुसार चीनका राष्ट्रपति सी जिनपिङले आगामी सोमबार रुसको राजकीय भ्रमण गर्ने छन् । भ्रमण बुधबारसम्म चल्नेछ । सीले रुसी राष्ट्रपति भ्लादिमिर पुटिनसँग “व्यापक साझेदारीको थप विकासका पक्षहरू”बारे छलफल गर्ने क्रेमलिनको विज्ञप्तिमा उल्लेख गरिएको छ।पनि
क्रेमलिनका अनुसार अन्तर्राष्ट्रिय एजेन्डा र विश्व मामिलामा दुई राष्ट्रबीचको सहयोगको बारेमा पनि छलफल हुनेछ। रुसी र चिनियाँ अधिकारीहरूले धेरै द्विपक्षीय सम्झौताहरूमा हस्ताक्षर गर्ने पनि अपेक्षा गरिएको छ।
पुटिनले डिसेम्बरको अन्तमा फोन कलको क्रममा सीलाई रूसमा निम्तो दिएका भएपनि यात्राको मिति घोषणा गरिएको थिएन। मस्कोले २०२२ को सुरुमा युक्रेनमा आफ्नो सैन्य अपरेशन सुरु गरेपछि पश्चिमा राष्ट्रहरुले नजिकबाट नियालिरहेको दुई मुलुकबिचको यो भ्रमण महत्त्वपूर्ण हुने अपेक्षा गरिएको छ।
चीनका राष्ट्रपति सी चिनफिङले विश्वमा स्थायित्व बढाउन मस्कोसँग मिलेर काम गर्न इच्छुक रहेको बताउनुभएको छ।
चिनियाँ राष्ट्रपति सी चिनफिङले आफ्ना रुसी समकक्षीलाई समरकन्दमा भएको शाङ्घाई सहयोग संगठनको शिखर सम्मेलनमा बेइजिङले मस्कोसँग मिलेर महाशक्तिको जिम्मेवारी वहन गर्न चाहेको बताउनुभएको छ ।
राष्ट्रपति सीले सामाजिक उथलपुथलले त्रसित विश्वमा स्थायित्व र सकारात्मक उर्जा प्रवाह गर्न रुससँग सहयोगी भूमिका खेल्न चीन इच्छुक रहेको पनि बताउनुभएको थियो ।
त्यसैगरी, राष्ट्रपति पुटिनले दुई देशले बनाएको “बहुपक्षीय सम्बन्ध” को प्रशंसा गर्नुभएको छ ।
राष्ट्रपति पुटिनले बेइजिङको ‘एक चीन’ नीतिको लागि मस्कोको समर्थन रहेको भन्दै,ताइवान वरपर अमेरिकाले द्वन्द भड्काउन गरेको प्रयासहरूको निन्दा गर्नुभएको थियो ।
राष्ट्रपति पुटिनले विदेश नीतिको सवालमा चीनले गरेको सहयोगका लागि धन्यवाद दिँदै , “युक्रेनी संकटको सन्दर्भमा हाम्रा चिनियाँ साथीहरूको सन्तुलित दृष्टिकोणलाई हामी उच्च मूल्याङ्कन गर्छौं”,भन्ने अभिव्यक्ति प्रकट गर्नुभएको थियो।
EN
