काठमाडौं – रसुवागढीमा बाढीले क्षति गरेका संरचनाहरू चीनले पुनर्निर्माण गरिदिने भएको छ।
उपप्रधानमन्त्री एवं अर्थमन्त्री विष्णुप्रसाद पौडेलसँग भेटवार्ताका क्रममा चीनको अन्तर्राष्ट्रिय विकास सहायता नियोगका अध्यक्ष चेन सियाओदोङले रसुवामा बाढीले पुर्याएको भौतिक संरचनाहरूको पुनर्निर्माणमा चीनले सहयोग गर्ने बताएका हुन्।
भेटवार्तामा अध्यक्ष सियाओदोङले भौतिक संरचनाहरूको पुनर्निर्माणलाई आवश्यक सहयोग गर्ने र भन्सार प्रक्रिया छिटो सञ्चालन हुने गरी काम गर्ने जानकारी दिए।
काठमाडौँ- त्रिभुवन विश्वविद्यालय (टियू) र युनिभर्सिटी अफ इलेक्ट्रोनिक्स साइन्स एन्ड टेक्नोलोजी अफ चाइना युईएसटिसी ) बीच पांच वर्षे समझदारी पत्रमा हस्ताक्षर भएको छ ।
त्रिभुवन विश्वविद्यालय कीर्तिपुरमा त्रिविका कार्यवाहक उपकुलपति डा शिवालाल भुसाल र युइएफएका उपकुलपति जेङ योङले सम्झौतापत्रमा हस्ताक्षर गरेका हुन् । त्रिभुवन विश्वविद्यालयको आमसञ्चार तथा पत्रकारिता विभागका प्रमुख प्रा चिरञ्जीवी खनाल र युइएफएका प्राध्यापक हाङहोङले उक्त सम्झौतामा हस्ताक्षर गरेका हुन् ।
त्रिविका कार्यवाहक उपकुलपति भुसालले आगामी दिनमा दुई विश्वविद्यालयबीच घनिष्ट सहकार्य हुने विश्वास व्यक्त गरे ।यूईएसटीसीका प्रतिनिधि प्रा ह्याङ होङले अध्ययन र अनुसन्धानको क्षेत्रमा आफूले सक्दो सहयोग गर्ने बताउनुभयो ।
सम्झौताको पहल गरेका प्रा खनालले दुई विश्वविद्यालयबीच दीर्घकालीन सहयोगका लागि समझदारी भएको र आपसी समानताका सिद्धान्तमा आधारित पारस्परिक हित र शैक्षिक सहयोगलाई सक्षम बनाउन यो सम्झौता उपयोगी हुने बताए ।सम्झौता अनुसार विद्वान, अनुसन्धानकर्ता र शिक्षक कर्मचारी र विद्यार्थी आदानप्रदान हुनेछन् भने
कार्यशाला र सेमिनार संयुक्त रूपमा आयोजना गरिनेछ।
काठमाडौँ- चिनियाँ उच्च सैनिक टोली काठमाडौं आइपुगेको छ।
एयर चाइनाको ४३७ उडान नम्बरको विमानमा चिनियाँ जनमुक्ति सेनाका तिब्बत मिलिट्री कमान्डर मेजर जनरल युइ एन दे नेतृत्वको टोली त्रिभुवन अन्तरराष्ट्रिय विमानस्थलमा अवतरण गरेको छ ।
उक्त टोलीलाई उपरथी सागरबहादुर थापा र सहायक रथी सुनिल श्रेष्ठले त्रिभुवन अन्तरराष्ट्रिय विमानस्थलमा स्वागत गरेका थिए।
नेपाली सेनाका सूचना अधिकारी एवम् सहायक रथी कृष्णप्रसाद भण्डारीका अनुसार औपचारिक भ्रमणमा आएको चिनियाँ सैनिक टोलीले प्रधानसेनापति प्रभुराम शर्मालगायतसँग भेटवार्ता गर्ने कार्यतालिका छ। भेटमा सीमा सुरक्षा, दुई देश बीचको सैन्य सम्बन्धलगायतका विषयमा छलफल हुनेछ। मेजर युको नेतृत्वमा आएको ८ सदस्यीय सैनिक टोली भाद्र ३ गते स्वदेश फर्कनेछ ।
नेपाल र चीनबीच ६ बुंदे समझदारी पत्रमा हस्ताक्षर भएको छ ।
नेपालको तर्फबाट सभामुख अग्नि सापकोटा र चीनको तर्फबाट चीनिया राष्ट्रिय जनकांग्रेसका प्रमुख ली हान्सुले समझदारी पत्रमा हस्ताक्षर गर्नुभएको हो ।
संघीय संसद भवन नयाँ बानेश्वरमा आयोजित एक कार्यक्रमबीच उक्त समझदारी पत्रमा हस्ताक्षर गरिएको हो। बिआरआइको विषय समेत उठान गरिएको समझदारीपत्रमा,दुवै पक्ष आपसी विश्वास सदृढ र विकास गर्न, एकअर्काको स्वतन्त्रता, सार्वभौमसत्ता र भौगोलिक अखण्डताको सम्मान गर्न, एकअर्काको स्वतन्त्र रुपमा छनोट गरिएको सामाजिक प्रणाली र विकास पथको सम्मान गर्न तथा एकअर्काका मूल हित र महत्वपूर्ण सरोकारका विषयमा साथ दिन सहमत रहने लगायतका विषयहरु समेटिएको छ।
सम्झौता पत्र :
चिनियाँ राष्ट्रिय जनकंग्रेसका अध्यक्ष ली नेपाल आइपुग्नुभएको छ। आज ३ बजे त्रिभुवन विमानस्थलमा आइपुग्नुभएका लि र उनको टोलीलाई स्वागत गर्न सभामुख अग्निप्रसाद सापकोटासहितको नेपाली टोली विमानस्थलमा पुगेको थियो ।
चिनियाँ राष्ट्रपति सी चिनफिङका विश्वासपात्र ,चिनियाँ कम्युनिस्ट पार्टी (सीपीसी) स्थायी समितिको राष्ट्रिय जनकंग्रेसका अध्यक्ष ली हान्शुको भ्रमणमा सरकारले सुरक्षाको विशेष व्यवस्था मिलाएको छ ।
रुस, मंगोलिया हुँदै नेपाल आउने लागेका लि, नेपालबाट दक्षिण कोरिया हुँदै चीन फर्कने कार्यक्रम रहेको छ । मन्त्रीस्तरका ६ नेतासमेत रहेको लीको १०० जनाको जम्बो भ्रमण टोली विशेष विमानमा नेपाल आएको हो । ली चिनियाँ संविधानअनुसार दोस्रो वरीयता र चिनियाँ कम्युनिस्ट पार्टी (सीपीसी) को तेस्रो वरीयतामा पर्छन् ।
अध्यक्ष लीले आज सभामुख अग्निप्रसाद सापकोटासँग द्विपक्षीय भेट वार्ता गर्नेछन् । द्विपक्षीय वार्ताका दौरान नेपालको संघीय संसद् र चीनको राष्ट्रिय जनकंग्रेसबीचमा द्विपक्षीय सहकार्य र भ्रमण आदानप्रदानका सम्बन्धमा सम्झौता हुने संसद् सचिवालयले जानकारी दिएको छ । सभामुख सापकोटाले लीको सम्मानमा आज रात्रिभोज आयोजना गर्नेछन् । अध्यक्ष लीले मंगलबार प्रधानमन्त्री एवं कांग्रेस सभापति शेरबहादुर देउवा , राष्ट्रिय सभाका अध्यक्ष गणेश तिमिल्सेना र परराष्ट्रमन्त्री नारायण खड्कासँग भेटवार्ता गर्ने कार्यक्रम रहेको छ ।
अध्यक्ष लीले बुधबार राष्ट्रपति विद्यादेवी भण्डारीसँग शीतल निवासमा भेटवार्ता गर्नेछन् । सोही दिन एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालसँग छुट्टाछुट्टै भेट्ने कार्यक्रम समेत रहेको छ । परराष्ट्र मन्त्रालयका अनुसार ली बिहीबार नेपालबाट फर्कने कार्यक्रम तय भएको छ ।
EN
