लगातार तीनवटा खेल जितेर केन्याविरुद्धको एकदिवसीय क्रिकेट सिरिजमा नेपाल विजयी भएको छ।
केन्याको नैरोबीमा आज भएको अन्तिम खेलमा केन्यालाई ६ विकेटले हराउँदै नेपालले जित हाँसिल गरेको हो।
टस जितेर पहिले ब्याटिङ रोजेको केन्याले खेलको निर्धारित ओभरमा ९ विकेट गुमाउंदै २५५ रन जोड्न सफल भएको थियो।
२५६ रनको लक्ष्य लिएर मैदानमा उत्रिएको नेपाली टोलीले ४७.१ ओभर खेल्दै ४ विकेटको क्षतिमा २५८ रन बनाएको थियो ।
नेपालका लागि बसिर अहमदले ५२, अर्जुन साउदले ५८ र आसिफ शेखले ५६ रन जोडेका थिए। त्यसैगरी,रोहित पौडेलले ४६ र ज्ञानेन्द्र मल्ल ३३ रनको योगदान दिएका थिए।
यसअघि नेपालले पाँच खेलको टी-ट्वान्टी सिरिज ३-२ को अन्तरले जितेको थियो।
आफ्नो प्रतिक्रिया दिनुहोस्