नागरिक स्तरबाट भएको चौतर्फी विरोध र आलोचना पछि सरकारले पेट्रोलिमय पदार्थमा लगाउंदै आएको कर घटाउने भएको छ।

सरकारले दुई शिर्षकको कर हटाउन अर्थ मन्त्रालयलाई सैद्धान्तिक सहमति दिएको भएपनि कुन शिर्षकको कर कति घटाउने भन्ने निर्णय भने भइसकेको छैन।सरकारले भन्सार र पूर्वाधार कर ५/५ रुपैयाँ गरि कुल १० रुपैयाँ कर घटाउने विषयमा छलफल अगाडी बढाएको छ।

सरकारले पेट्रोलमा भन्सार शुल्क बापत प्रतिलिटर २५ रुपैयाँ २३ पैसा र पूर्वाधार शुल्कक बापत १० रुपैयाँ कर उठाउने गरेको छ । त्यसैगरि, डिजेलमा भने १२ रुपैयाँ २ पैसा भन्सार शुल्क र पूर्वाधर बापत १० रुपैयाँ कर उठाउने गरेको छ ।

एक साता नबित्दै नेपाल आयल निगमले इन्धनको मूल्य फेरि बढाएको छ । निगमले पेट्रोल, डिजेल र मट्टितेल प्रतिलिटर १० रुपैयाँका दरले बढाएको छ । नयाँ मूल्य अनुसार पेट्रोल प्रतिलिटर १८० रुपैयाँ तथा डिजेल र मट्टितेल १६३ रुपैयाँ पर्ने भएको छ ।

त्यस्तै खाना पकाउने ग्यासको मूल्य प्रतिसिलिण्डर २सय रुपैयाँ बढेको छ । नयाँ मूल्य अनुसार ग्यासको प्रतिसिलिण्डर १८ सय पुगेको छ । नोक्सानी बढेको भन्दै आयल निगमले इन्धनको मूल्य बढाएको हो । निगमका अनुसार नयाँ मूल्य आज राति १२ बजेदेखि लागू हुने छ ।