विशेष महाधिवेशनको माग गर्दै कांग्रेस नेताहरूले सुरु गरे हस्ताक्षर अभियान

Posted on ७ आश्विन २०८२, मंगलवार७ आश्विन २०८२, मंगलवार by नेपाल राष्ट्रिय दैनिक

काठमाडौं – शेखर कोइराला प्यानलका नेपाली कांग्रेस नेताहरूले महाधिवेशनका धेरै प्रतिनिधिहरूसँग मिलेर पार्टी भित्र विशेष महाधिवेशनको माग गर्दै हस्ताक्षर अभियान सुरु गरेका छन्।

प्रतिनिधिहरूले “जेन जी”को विरोध प्रदर्शनका क्रममा पार्टी सभापति शेरबहादुर देउवामाथि हालै भएको आक्रमणको निन्दा गर्दै, पार्टीले विगतका गल्तीहरू स्वीकार गर्नुपर्ने, क्षमा माग्नुपर्ने र भविष्यको लागि आफूलाई सुधार गर्नुपर्नेमा जोड दिएका छन् । विशेष अधिवेशन नै अगाडि बढ्ने एक मात्र बाटो भएको पनि उनीहरुले बताएका छन्।

विशेष अधिवेशन बोलाउने अधिकार केन्द्रीय समितिमा भए पनि वर्तमान नेतृत्वले त्यो कदम चाल्ने सम्भावना नरहेको भन्दै उनीहरूले आफैंले तयारी सुरु गरेका हुन् ।

उनीहरूले पार्टी विधानको धारा १७ (२) अनुसार प्रक्रियामा जिम्मेवारीपूर्वक भाग लिन सदस्यहरूलाई आग्रह गर्दै पार्टीलाई वर्तमान संकटबाट बचाउन र आजको सन्दर्भमा यसलाई अझ प्रभावकारी र सान्दर्भिक बनाउन अधिवेशन आवश्यक रहेको बताएका छन् ।

प्रेस तथा अभिव्यक्ति स्वतन्त्रतालाई अंकुश लगाउने विधेयक पास हुँदैन- गगन थापा

Posted on २७ माघ २०८१, आईतवार२७ माघ २०८१, आईतवार by नेपाल राष्ट्रिय दैनिक

काठमाडौँ — सरकारले प्रेस तथा अभिव्यक्ति स्वतन्त्रतालाई अंकुश लगाउने गरी ल्याएको सामाजिक सञ्जाल विधेयकबारे बोल्दै नेपाली कांग्रेसका महामन्त्री गगन थापाले नेपाली राजनीतिमा कांग्रेसको नेतृत्व रहुन्जेल प्रेस तथा अभिव्यक्ति स्वतन्त्रतालाई अंकुश लगाउने कुनै पनि कानुन पारित नहुने बताएका छन् ।

काठमाडौंमा भएको अर्घाखाँची–काठमाडौं सम्पर्क समितिको प्रथम अघिवेशनमा बोल्दै महामन्त्री थापाले कांग्रेस रहँदासम्म नागरिकको अभिव्यक्ति स्वतन्त्रताको हकको रक्षाका विषयमा धेरै चिन्ता लिन नपर्ने पनि बताएका हुन् ।

‘अभिव्यक्ति स्वतन्त्रतालाई खुम्च्याउने गरी अहिलेको संसदबाट कुनै पनि कानून पारित हुन सक्दैन । कांग्रेस अहिले मुलुकको सबैभन्दा ठूलो दल हो । हामी प्रेस स्वतन्त्रताको कुरामा, लोकतन्त्रको कुरामा, अभिव्यक्ति स्वतन्त्रताको कुरामा, विधिको शासनको पक्षमा स्पष्ट हौँ । यी कुराहरू नेपाली कांग्रेसका आधारभूत मूल्यमान्यताका विषय हुन् । यी विषयबाट कांग्रेस पछि हट्न सक्दैन,’ उनले भने। कांग्रेस रहँदासम्म चाहे त्यो सत्तामा हुँदा होस् वा विपक्षमा हुँदा होस् कुनैपनि अवस्थामा यी विषयहरूको बर्खिलाप हुने गरी कानून बन्न सक्दैन र बन्दैन भन्दै उक्र कुरामा सबैलाई ढुक्क हुन आग्रह गरेका छन्।

पार्टीको १५ औं महाधिवेशन २०८४ को चुनावअघि नै हुन्छ: गगन थापा

Posted on १९ माघ २०८१, शनिबार१९ माघ २०८१, शनिबार by नेपाल राष्ट्रिय दैनिक

काठमाडौं – संस्थापन पक्षकै केही नेताहरुले महाधिवेशन आगामी निर्वाचनपछि मात्र गर्ने बताउँदै आएका बेला नेपाली कांग्रेसका महामन्त्री गगन थापाले भने २०८४ को चुनावअघि नै पार्टीको १५औं महाधिवेशन हुने बताएका छन्।

कांग्रेसको काठमाडौं महानगरपालिका– ७ को वडा भेलालाई सम्बोधन गर्दै केही नेताहरूले महाधिवेशन ८४ को चुनाव पछि मात्र हुन्छ कि भनेर बोल्दै हिंड्नु भएको छ, तर संविधानले पनि त्यसो गर्न मिल्दैन र सबैलाई यी यावत कुराहरुमा कन्फ्युज नहुन आग्रह गर्दै ८४ को चुनाव अगाडी नै पार्टीको महाधिवेशन हुने उनले बताएका छन्।

एक महाधिवेशनबाट अर्को महाधिवेशन बीच जति तन्काए पनि साढे ५ वर्षभन्दा अघि जान मिल्दैन भन्दै निर्धारित मितिअनुसार कांग्रेसको महाधिवेशन समयमै गर्नुपर्ने र त्यसको कुनै विकल्प नभएको उनले बताएका छन्।

सामाजिक सञ्जाल विधेयक सच्याउनुपर्छ: गगन थापा

Posted on १७ माघ २०८१, बिहीबार१७ माघ २०८१, बिहीबार by नेपाल राष्ट्रिय दैनिक

नेपाली काँग्रेसका महामन्त्री एवं संघिय संसदका सदस्य गगन थापाले सरकारले संसदमा दर्ता गराएको सामाजिक सञ्जाल विधेयक त्रुटिपूर्ण रहेको भन्दै त्यसलाई सच्याउनु पर्ने बताएका छन्।

लोकतन्त्रको मूल मर्म नै अभिव्यक्ति स्वतन्त्रता भएकोले कुनै पनि व्यक्तिले भयरहित अवस्थामा आफ्ना विचार राख्न पाउने अवस्था नहुने हो भने लोकतन्त्रको अर्थ रहँदैन तर अभिव्यक्ति स्वतन्त्रताको अधिकार प्रयोग गर्दैगर्दा अरूलाई हानि पुर्‍याउनु हुँदैन भन्दै सरकारले ल्याएको विधेयकले स्वतन्त्रताको दुरुपयोग गर्नेलाई नियमन गर्न खोज्दा संविधानप्रदत्त स्वतन्त्रताको अधिकार कुनै हालतमा सङ्कुचित बनाइनु नहुने बताएका छन्।

विधेयकमा धेरै सकारात्मक र आवश्यक कुराहरूपनि रहेको तर जुन विषयलाई फौजदारी अपराधको रूपमा राखिएको छ, तीमध्ये अधिकांशको परिभाषा अस्पष्ट र दोहोरो अर्थ राख्ने खालको भएकोले भोलि सरकारले आफु अनुकुल व्याख्या गरेर स्वेच्छाचारी ढङ्गले प्रस्तुत हुनसक्ने र सरकारले जुनसुकै बेला त्यसलाई हतियारको रूपमा प्रयोग गर्न सक्ने हुनाले नागरिक सरकारसँग भयभित हुनुपर्ने अवस्था देखिएकोले ति प्रावधानहरु सच्च्याएर अगाडी बढ्नुपर्ने उनले बताएका छन्।

उक्त विधेयक बनाउनमा आफ्नो कुनै भूमिका नरहे पनि त्यसलाई सच्याएर ठीक बनाउनेमा लाग्न सरकारसँग अब मैले आफूले सक्ने सबै कोसिस गर्नेछु भन्दै सामाजिक सञ्जाल सम्बन्धी विधेयकमा व्यापक परिमार्जन गर्नुपर्ने देखिएको र सो विधेयकलाई संविधानको मर्म अनुकूल बनाएर मात्र कानुनको रूपमा अघि बढ्न दिने उनले बताएका छन्।

अहिलेका प्रधानमन्त्रीभन्दा राम्रो काम गर्न सक्छु : गगन थापा

Posted on १४ माघ २०८१, सोमबार१४ माघ २०८१, सोमबार by नेपाल राष्ट्रिय दैनिक

काठमाडौं – भक्तपुरमा आयोजित एक कार्यक्रमलाई सम्बोधन गर्दै नेपाली कांग्रेसका महामन्त्री गगनकुमार थापाले अहिलेका प्रधानमन्त्रीले भन्दा आफूले राम्रो काम गरेर देखाउन सक्ने बताएका छन् ।

अब बन्ने प्रधानमन्त्री वा यसअघिका प्रधानमन्त्रीहरू भन्दा युवा पुस्ताबाट बन्ने प्रधानमन्त्रीले बढी राम्रो काम गरेर देखाउन सक्ने भन्दै,”म अहिलेको प्रधानमन्त्री वा हुनेवाला प्रधानमन्त्री वा अस्ति भर्खर हुनुभएको प्रधानमन्त्री भन्दा हामी राम्रो प्रधानमन्त्री चलाउन सक्छौँ भन्नकुरा म अहिले पनि विश्वास गर्दछु”, थापाले भने।

अहिलेको भन्दा राम्रोसँग देश चलाउँछु भन्ने विश्वासकै कारण कांग्रेसको संसदीय दलको नेताका लागि पहल गरेको र ति प्रयासबाट आएका परिणामहरुलाई पनि स्वीकार्नुपर्छ भन्दै यो दशक अब फेरि खेल फाल्नु हुँदैन भन्ने थापले बताएका छन्।

कांग्रेस र एमालेबीच भएको सहमति सार्वजनिक गर्नुपर्ने : कांग्रेस महामन्त्री

Posted on ५ श्रावण २०८१, शनिबार५ श्रावण २०८१, शनिबार by नेपाल राष्ट्रिय दैनिक

काठमाडौँ- संसदमा विश्वाशको मत लिन लागेका प्रधानमन्त्रीले संसदमा नयाँ सरकार निर्माण लगायतका विषयमा नेपाली कांग्रेस र नेकपा एमालेबीच भएको सहमति सार्वजनिक गर्नुपर्ने नेपाली कांग्रेसका महामन्त्री गगन थापाले बताएका छन्।

४२ औं विपी स्मृति दिवसका सन्दर्भमा आयोजित एक कार्यक्रमलाई सम्बोधन गर्ने क्रममा महामन्त्री थापाले भने ,”हाम्रो सहमतिमा बन्ने प्रधानमन्त्रीले संसदमा भोलि विश्वासको मत लिँदै गर्दा सहमति गरिएको भनिएको ७ बुँदा के-के हो भनेर भोलि पढेर सुनाउनुपर्छ भन्ने म ठान्दछु र कम्तिमा हामीले गरेको सहमतिको मर्यादा राखौं भन्ने मेरो अभिप्राय हो। “

प्रधानमन्त्रीले सहमतिको बुंदाहरु पढेर सुनाउने कुरामाअ आफु विश्वस्त रहेको कुरा पनि थापाले बताएका छन्। ‘ प्रधानमन्त्री स्वयं आफैँ उक्त सहमतिको एउटा हस्ताक्षरकर्ता भएकाले गर्दा उहाँको त्यो जिम्मेवारी पनि हो,’ उनले भने।

माओवादीका अयोग्य लडाकुलाई दुई लाख रुपैयाँ दिने सरकारको निर्णयप्रति काँग्रेस नेताहरुको आपत्ति

Posted on १४ बैशाख २०८०, बिहीबार१४ बैशाख २०८०, बिहीबार by नेपाल राष्ट्रिय दैनिक

सरकारले शान्ति प्रक्रियाको १८ वर्षपछि अयोग्य लडाकुलाई राहत वितरण गर्न लागेको भन्दै नेपाली काँग्रेसका नेताहरुले सरकारको कदमको विरोध गरेका छन्।

संक्रमणकालीन न्यायसम्बन्धी विधेयक विचाराधीन रहेको अवस्थामा पीडितमैत्री कानुन बनाई संक्रमणकालीन न्यायको कामलाई शीघ्र टुंग्याउन केन्द्रित हुनुपर्ने समयमा र राज्यकोषमा आर्थिक दबाब भएको यस्तो समयमा ठूलो रकम अयोग्य लडाकुलाई बाँड्ने सरकारको निर्णय गलत भएको उनीहरुले बताएका छन्।

नेपाली कांग्रेसका नेता शेखर कोइरालाले, विगतमा क्यान्टोन्मेन्टमा भएका लडाकुका लागि लिएको पैसाको हिसाबकिताब बुझाउन नसक्नु, द्वन्द्वकालीन समस्या समाधानमा आनाकानी गर्दै लम्ब्याउनु तथा ढुकुटीमा पैसा नभएका कारण सरकारी कर्मचारीहरुको तलब र पेन्सन दिनसमेत नसक्ने अवस्थाको सरकारले पूर्वअयोग्य लडाकुको नाममा पैसा बाँड्ने कार्य स्वीकार्य नहुने बताएका छन्। माओवादी नेतृत्वको सरकारको यस्तो कार्यको विरोध गरौं, रोकौं र भविष्यका लागि सचेत बनौं भन्दै उनले अयोग्य लडाकुहरुलाई राहतको सट्टा रोजगारीको प्रबन्ध गर्नु उपयुक्त हुने बताएका छन्।

त्यसैगरि काँग्रेस महामन्त्री गगन थापाले पनि सामाजिक सञ्जाल मार्फत, राज्यकोषमा स्रोतको व्यापक दबाब परेको यो समयमा राज्यकोषबाट ठूलो रकम अयोग्य लडाकुलाई बाँड्ने सरकारको निर्णय गलत छ र रोक्नुपर्छ भन्ने अभिव्यक्ति दिएका छन्।

संक्रमणकालीन न्यायसम्बन्धी विधेयक विचाराधीन रहेको अवस्थामा सरकार रकम मात्र बाँड्ने भन्दा पनि पीडितमैत्री कानुन बनाई संक्रमणकालीन न्यायको कामलाई शीघ्र टुंग्याउन केन्द्रित हुनुपर्ने उनले बताएका छन्।

https://nepalrastriyadainik.com/%e0%a4%ae%e0%a4%be%e0%a4%93%e0%a4%b5%e0%a4%be%e0%a4%a6%e0%a5%80%e0%a4%95%e0%a4%be-%e0%a4%85%e0%a4%af%e0%a5%8b%e0%a4%97%e0%a5%8d%e0%a4%af-%e0%a4%b2%e0%a4%a1%e0%a4%be%e0%a4%95%e0%a5%81%e0%a4%b2%e0%a4%be/

गगन थापा र विश्वप्रकाश शर्मा कांग्रेस महामन्त्रीमा निर्वाचित

Posted on १ पुष २०७८, बिहीबार१ पुष २०७८, बिहीबार by नेपाल राष्ट्रिय दैनिक

कांग्रेसको १४ औं महाधिवेशनबाट गगन थापा र विश्वप्रकाश शर्मा महामन्त्री पदमा विजयी भएका छन् ।महामन्त्री पदकै लागि प्रकाशशरण महत,प्रदीप पौडेल,मीनेन्द्र रिजाल र राजाराम कार्की प्रतिस्पर्धी उम्मेद्वारको रुपमा चुनावी मैदानमा खडा भएका थिए ।

यसैबीच महामन्त्रीको प्रारम्भिक मतपरिणाम आएसँगै मीनेन्द्र रिजालले रक्षामन्त्रीबाट राजीनामा दिने घोषणा गरेका छन् । यसअघीनै भएको मतगणनामा उपसभापतिमा पूर्णबहादुर खड्का र धनराज गुरुङ निर्वाचित भइसकेका छन् भने,सोमबार भृकुटीमण्डपमा भएको मतदानमा कुल ४ हजार ६ सय ७९ मत खसेको थियो । कांग्रेसमा यसपटक सभापतिसहित १३४ पदमा निर्वाचन भएको छ ।

ट्रेन्डिङ