काठमाडौँ — प्रतिनिधिसभामा विश्वासको मतको प्रस्ताव पेश गर्नेक्रममा प्रधानमन्त्री पुष्पकमल दाहालले संविधान नै संशोधन गर्ने भए प्रत्यक्ष निर्वाचित कार्यकारी प्रणालीमा जान प्रस्ताव गरेका छन् ।

संविधानका उपलब्धीहरू उल्टाउने प्रयास भइरहेको उल्लेख गर्दै, स्थिरताका नाममा समावेशी र समानुपातिक अस्तित्व समाप्त पार्न खोजेको र साना दलको अस्तित्व समाप्त गर्ने बाटोमा अघि बढेकाे र आफुले त्यसको प्रतिकार गर्ने बताएका छन्।

“तपाईंहरूलाई अहिले २०४७ सालको बाडुल्की लागिरहेको होला । के अब त्यतै फर्किने हो ?” भन्दै उनले संविधान संशोधनजस्तो जटिल र संवेदनशील कुरामा खेलाँची नगर्न आग्रहसमेत गरे ।