लुम्बिनी प्रदेशको विवादित स्वास्थ्य राज्यमन्त्री विमला वलीले पदबाट राजीनामा दिएकी छन्
उनले मुख्यमन्त्री कुलप्रसाद केसीसमक्ष आफ्नो राजीनामा बुझाएको र राजीनामा स्वीकृत समेत भइसकेको जानकारी प्राप्त भएको छ।
वलीले दाङका वाईसीएल नेता एकराज बस्नेतको घरमा गएर उनकी पत्नी र छोरीलाई अभद्र व्यवहार गरेको आरोप लागेपछि सरकारले उक्त घटनाको छानविन गर्न समिति समेत गठन गरेको थियो।
लुम्बिनी प्रदेशकी स्वास्थ्य राज्यमन्त्री विमला वलीलाई प्रहरीले नियन्त्रणमा लिएको छ ।
तुलसीपुर उपमहानगरपालिका-५ बस्ने एकराज बस्नेतको घरमा पुगेर उनको श्रीमती र छोरीलाई हातपात गरेको आरोपमा प्रहरीले उनलाई नियन्त्रणमा लिएको हो ।
स्थानीय बासिन्दाको घरमा छिरेर हातपात गरेको भन्दै स्थानीयले उनलाई कालो मोसो दल्न खोजेपछि प्रहरीले वलीलाई नियन्त्रणमा लिएको र घटनाबारे अनुसन्धान भइरहेको प्रहरीले बताएको छ।
विगतमा पनि राज्यमन्त्री विमला विभिन्न विवादमा पर्दै आएकी छिन् । यसअघि पनि वाईसीएल कार्यकर्ता एकराज बस्नेत र आफू सँगै रहेको तस्बिर सामाजिक सञ्जालमा सार्वजनिक भएपछी पुरुषसँगको फोटो जोडजाड पारेर आफ्नो चरित्र हत्या गर्न खोजिएको भन्दै वलीले आपत्ती जनाएकी थिइन।
EN