बाजुराको बुढीगंगा नगरपालिका १ र १० मा भएको निर्वाचन अन्तर्गत दुवै वडामा नेकपा एमालेका उम्मेदवार विजयी भएका छन्।

बाजुराको बु्ढीगंगा नगरपालिका १० मा ४९१ मत ल्याएका काँग्रेसका मोहनबहादुर बुढालाई पराजित गर्दै नेकपा एमालेका उम्मेदवार दलबहादुर साउद ५४८ मत ल्याएर विजयी भएका छन्।सोही वडाबाट एमालेका नगरप्रमुख उम्मेदवार रामबहादुर बाँनियाले ६०२ र काँग्रेसका रंगबहादुर खातिले ४३६ मत ल्याएका छन् भने उपप्रमुखमा एमाले उम्मेदवारले ५७५ र काँग्रेस उम्मेदवारले ४७१ मत प्राप्त गरेका छन्।

त्यसैगरी,वडा नम्बर १ को अध्यक्षमा कांग्रेस उम्मेदवार लोगबहादुर थापालाई पराजित गर्दै एमालेका रणबहादुर थापा विजयी भएका छन्। विजयी थापाले ३५३ मत ल्याएका थिए भने उनका प्रतिद्वन्द्वी लोगबहादुर थापाले ३१८ मत ल्याएका छन् । सोही वडाबाट एमालेका नगरप्रमुख उम्मेदवारको ३५० तथा काँग्रेसका नगरप्रमुख उम्मेदवारको ३३८ मत आएको छ भने एमालेका उपप्रमुख उम्मेदवारले ३५० र काँग्रेसका उपप्रमुख उम्मेदवारले ३३८ मत ल्याएका छन्।