बाजुरा:हिजो सम्पन्न बुढीगंगा नगरपालिका वडा नम्बर १ र १० को निर्वाचनको मतगणना सुरु भएको निर्वाचन अधिकृतको कार्यालयले जनाएको छ।
बैशाख ३० गतेको निर्वाचनमा धाँदली भएको भन्दै रोकिएको निर्वाचन हिजो पुन: गरिएको थियो। हिजो सम्पन्न निर्वाचनमा ६६.८३ प्रतिशत मत खसेको थियो। निर्वाचन अधिकृतको कार्यालयले आज बिहान सर्वदलीय बैठक राखेर २-२ वटा वडाको गरि मतगणना गर्ने सहमति गरेको छ। मतगणना अवधिभर बुढीगंगा नगरपालिकामा सुरक्षा व्यवस्था कडा पारिएको प्रहरीले जनाएको छ।
बुढीगंगा नगरपालिकाको मेयर पदको लागि एमालेबाट रामबहादुर बानियाँ र गठबन्धनबाट नेपाली कांग्रेसका रंगबहादुर खातीले प्रतिस्पर्धा गरेका छन् भने,उपप्रमुखमा एमालेबाट माया खड्का र गठबन्धनबाट नेपाली कांग्रेसकी रिता शाही प्रतिस्पर्धिको रुपमा रहेका छन्।
आफ्नो प्रतिक्रिया दिनुहोस्