प्रहरीद्वारा जेन–जी आन्दोलनका क्रममा घाइतेलाई अस्पतालमा प्रवेश गरी कुटपिट

काठमाडौं — जेन–जी आन्दोलनका क्रममा घाइते भएकाहरुलाई मिनभवनस्थित सिभिल अस्पतालमै प्रहरीको जत्थाले प्रवेश गरी कुटपिट गरेका छन्।

अस्पतालमा हाल एक सयभन्दा बढी घाइतेहरूको उपचार भइरहेको छ भने ३ जनाको मृत्यु भइसकेको छ। आफन्तहरूको भीड अस्पतालमा जम्मा भइरहेका बेला प्रहरीले भित्रै प्रवेश गरी पिट्न सुरु गरेको बताइएको छ। प्रहरीले अस्पतालमा अश्रु ग्यास प्रहार गर्दा उपचारमा कठिनाइ समेत भएको उपचारमा खटिएका स्वास्थ्यकर्मीहरुले बताएका छन्।

।