चिनियाँ राष्ट्रपति सी जिनपिङले ताइवानको सम्बन्धमा एक चीन नीतिको महत्त्वमा जोड दिँदै टापुसँगको एकीकरण रोक्न नसकिने प्रक्रिया भएको बताएका छन्।

सन् १९४९ मा चिनियाँ गृहयुद्धमा पराजित भएपछि ताइवानमा राष्ट्रवादी शक्तिहरूले स्वशासन स्थापना गरेका थिए। हाल केही मुट्ठीभर राष्ट्रहरूले यसलाई स्वतन्त्र भनी मान्यता दिएका छन् तर रुसलगायत अधिकांशले उक्त क्षेत्र चीनको हिस्सा भएको र सो कुरामा बेइजिङको अडान यथावत रहेको उनले बताएका छन् ।

“ताइवान स्ट्रेटका दुबै छेउका देशबासीहरू एउटै परिवार हुन्। हाम्रो पारिवारिक बन्धनलाई कसैले तोड्न सक्दैन र मातृभूमिको राष्ट्रिय एकीकरणको ऐतिहासिक प्रवृत्तिलाई कसैले रोक्न सक्दैन,” सीले भने।

“राज्य प्रमुखले यो प्रक्रिया अपरिहार्य छ र दुबै पक्षका मानिसहरू “उद्देश्यको साझा भावनाले बाँधिएको हुनुपर्छ र चिनियाँ राष्ट्रको कायाकल्पको महिमामा सहभागी हुनुपर्दछ” उनले भने ।

अमेरिकाले आधिकारिक रूपमा एक चीन नीतिको पालना गर्दै, ताइवानलाई चीनको हिस्साको रूपमा मान्यता दिएपनि चीनको आक्रोशलाई उत्प्रेरित गर्दै ताइपेमा सरकारसँग सैन्य सहयोगमा संलग्न रहेको र चीन सरकारले ताइपेईलाई अमेरिकी हतियार बिक्रीको बारम्बार निन्दा गर्दै आएपनि वाशिंगटनले यस क्षेत्रमा तनाव बढाएको आरोप समेत उनले लगाएका छन् ।