माध्यामिक शिक्षा परीक्षा (एसईई) को नतिजा आज सार्वजनिक हुने भएको छ।

राष्ट्रिय परीक्षा बोर्डले कक्षा १०(एसईई) को नतिजा आज सार्वजनिक गर्ने जनाएको छ।उत्तरपुस्तिका संकलनमा ढिलाई भएको कारण यसपटक नतिजा ढिलो गरि सार्वजनिक भएको हो। वैशाख ९ गतेदेखि २० गतेसम्म सञ्चालन गरिएको परीक्षामा देशभरका ११ हजार ६१५ विद्यालयका ५ लाख १४ हजार परीक्षार्थीले परिक्षा दिएका थिए। यस पटक जापानमा नेपालीद्वारा सञ्चालित विद्यालयका २० विद्यार्थीले पनि एसइई परीक्षा दिएका थिए।

पछिल्लो दुई वर्ष कोरोना संक्रमणको कारण आन्तरिक मूल्याङ्कनका आधारमा नतिजा प्रकाशित गरिएको भएपनि, यो वर्ष भने भौतिक रुपमा परीक्षा केन्द्रमा नै उपस्थिति भएर विद्यार्थीहरुले परीक्षा दिएका थिए।

यसरी हेर्न सकिन्छ नतिजा

SEEको नतिजा सजिलै सगं प्राप्त गर्नको लागि Landline/Mobile बाट 1600 डायल गरि निर्देशन अनुसार SYMBOL NUMBER थिच्नुहोस् वा SMS बाट SEE<SPACE>SYMBOL NUMBER टाइप गरि 1600 मा पठाउनुहोस्। यसैगरी राष्ट्रिय परीक्षा बोर्ड परीक्षा नियन्त्रण कार्यालयको वेबसाइट र नेपाल टेलिकमको वेबसाइटबाट https://see.ntc.net.npपनि नतिजा थाहा पाउन सकिन्छ ।