काठमाडौं, चैत १०: काठमाडौँ महानगरपालिकाले पुनर्निर्माणपछि पहिलो पटक रानीपोखरी सर्वसाधारणका लागि खुला गरेको छ।

पुनर्निर्माणपछि रानीपोखरी सर्वसाधारणका लागि खुला गरिएको र अब सर्वसाधारणले बिना टिकट रानीपोखरी अवलोकन गर्न पाउने काठमाडौं महानगरपालिकाका प्रवक्ता नवीन मानन्धरले जानकारी दिनुभएको छ।

२०७२ को भूकम्पमा क्षति पुगेपछि लामो समय बन्द रहेको र मर्मतसम्भार नहुँदा झारपातका कारण कुरुप बनेको रानीपोखरीको पुनर्निर्माण गरी मौलिक रूप दिइएको छ ।