प्रतिनिधि सभाको उपसभामुखमा पदमा गठबन्धनको तर्फबाट उम्मेदवारी दिनुभएको पुष्पा भुसाल निर्वाचित हुनुभएको छ।

संसदमा उपस्थित कुल २४२ जना सांसद मध्ये १४८ मत प्राप्त गर्नुभएकी पुष्पा भुसाल तत्काल कायम सदस्य संख्याको बहुमतले उपसभामुख पदमा निर्वाचित हुनुभएको छ। भुषालको विपक्षमा ९३ मत र मत दिन्न भन्ने पक्षमा १ मत परेको थियो।

उनको प्रतिस्पर्धिको रुपमा नेकपा एमालेको तर्फबाट बिध्या भट्टराईले उपसभामुख पदको लागि उम्मेद्वारी दिनुभएको थियो।

सत्तारूढ गठबन्धनको तर्फबाट नेपाली कांग्रेसकी सचेतक पुष्पा भुसाल (गौतम) ले प्रतिनिधि सभाको उपसभामुख पदको लागि उम्मेदवारी दिएकी छन्।

माओवादी केन्द्रका प्रमुख सचेतक देवप्रसाद गुरूङ प्रस्तावक र एकीकृत समाजवादीका लक्ष्मीकुमारी चौधरीको समर्थनमा भुसालले उम्मेद्वारी दर्ता गराउनु भएको हो।

मनोनयनपश्चात आजै दिउँसो साढे १ बजे उम्मेदवारहरुको अन्तिम नामावली प्रकाशन हुनेछ भने भोलि दिउँसो ३ बजे निर्वाचन हुनेछ।

२०७० को निर्वाचनमा अर्घाखाँचीबाट समानुपातिक सांसद निर्वाचित भएकी पुष्पा भुसाल विगत लामो समयदेखि नेपाली काँग्रेसको सकृय राजनीतिमा लाग्दै आउनुभएको छ।

कानुनमा स्नातक र राजनीति शास्त्रमा स्नातकोत्तर गर्नुभएको भुसाल नेपाल बार एसोसिएसनमा केन्द्रीय सदस्य समेत भैसक्नुभएको छ। उनी २०१५ सालमा बीपी कोइरालाको मन्त्रिपरिषदमा स्वास्थ्य मन्त्री रहेका बुवा काशीनाथ गौतमकि छोरी हुन्।