नेपाल आयल निगमले गए राति १२ बजेदेखि लागु हुने गरि इन्धनको मूल्य बढायसंगै सार्वजनिक सवारीसाधनको भाडा पनि उच्च दरले वृद्धि भएको छ ।

इन्धनको मूल्यमा आउने परिवर्तनसंगै स्वचालित प्रणालीमार्फत भाडा परिवर्तन हुने व्यवस्था अनुरुप यातायात व्यवस्था विभागले अन्तरप्रदेश यात्रुबाहक तथा मालबाहक यातायातमा ७.७ प्रतिशतसम्म भाडा बढाएको छ ।

त्यसैगरी अन्तरप्रदेश सार्वजनिक यात्रुबाहक सवारी साधनमा ५.३० प्रतिशतले भाडा वृद्धि भएको छ भने , पहाडी बाटोमा चल्ने मालबाहक सवारी साधनमा ६.९४ तथा तराईमा चल्ने मालबाहक सवारीसाधनमा ७.७ प्रतिशत वृद्धि भएको छ । स्थानीय रुटमा सञ्चालन हुने यातायातको भाडा भने यथावत रहनेछ ।

यातायात व्यवस्था विभागले अन्तरप्रदेश चल्ने सार्वजनिक सवारीसाधनको भाडा घटाएको छ ।
स्वचालित मूल्य प्रणालीअनुसार सार्वजनिक इन्धनको मूल्यमा ५ प्रतिशतभन्दा बढी थपघटसँगै सवारीको भाडा समायोजन हुने प्रावधान अनुसार भाडा समायोजन गरिएको हो।

सो अनुरुप अब यात्रुबाहक सवारीसाधनको भाडा २ प्रतिशत घटेको छ । त्यस्तै पहाडी बाटोमा चल्ने मालबाहक सवारीमा २.६ र तराईको बाटोमा चल्ने मालबाहकमा २.९ प्रतिशत घटेको छ । एक प्रदेशभित्रै अर्थात् स्थानीय रुटमा भने पुरानै भाडा यथावत रहनेछ ।

यसअघि विभागले चैत २०, जेठ ४ र जेठ १० गते भाडा समायोजन गरेको थियो ।