काठमाडौँ – प्रहरी केन्द्रीय अनुसन्धान ब्युरो (सीआईबी) प्रमुखका रूपमा कार्यरत एआईजी खापुङलाई नेपाल सरकारको मन्त्रिपरिषदको निर्णय अनुसार नेपाल प्रहरीको महानिरीक्षक (आईजीपी) पदमा नियुक्त गरिएको छ।

यो निर्णयसँगै खापुङ भदौ १८ गतेदेखि नेपाल प्रहरीको ३२ औं महानिरीक्षकका रूपमा जिम्मेवारी सम्हाल्नेछन्। तेह्रथुममा जन्मिएका खापुङ २०५२ सालमा प्रहरी सेवामा प्रवेश गरेका हुन्।

५५ वर्षीय खापुङले यसअघि प्रधानमन्त्रीको सुरक्षा प्रमुख, हाइटीस्थित संयुक्त राष्ट्रसंघीय मिसन (यूएन) मा दुई पटक सेवा, प्रहरी प्रधान कार्यालयको कर्मचारी प्रशासन प्रमुख लगायतका जिम्मेवारी सम्हालिसकेका छन्।

उनले इटाली, कोरिया, भियतनाम र चीनबाट सुरक्षासम्बन्धी तालिम प्राप्त गरेका छन् ।