EN
काठमाडौं – काठमाडौं महानगरपालिकाले सुरु गरेको न्युरोड क्षेत्रको फुटपाथ विस्तारको काममा स्थानीयले पुनः अवरोध सुरु गरेका छन् । स्थानीयहरु फुटपाथ विस्तारको विरोधमा उत्रिएपछि अहिले उक्त क्षेत्रमा नेपाल प्रहरी र नगरप्रहरीहरुलाई तैनाथ गरिएको छ ।
यसअघी महानगरको फुटपाथ विस्तारको काममा सडक डिभिजन कार्यालयले हस्तक्षेप गरेपछि, सडक डिभिजन कार्यालयको हस्तक्षेपको विरोधमा महानगरपालिकाले उच्च अदालत पाटनमा रिट दायर गरेको थियो । उक्त रिटमा सुनुवाइ गर्दै उच्च अदालतले शहरी सडक स्थानीय तह मातहतमा रहने भन्दै न्यूरोडमा फुटपाथ विस्तारको काम नरोक्न अन्तरिम आदेश जारी गरेको थियो ।
अदालतको आदेश संगै महानगरले बुधबार बाट पुन फुटपाथ विस्तारको काम सुरु गरेको थियो। तर स्थानीयले महानगरको फुटपाथ विस्तारको कामको विरोध गर्दै प्रदर्शन गरेका छन् भने, सो क्षेत्रमा सुरक्षाको लागि प्रहरी परिचालन गरिएको छ।
