मस्को- मस्कोले युक्रेनी सशस्त्र सेनाद्वारा रूसी पत्रकारको हत्याको युनेस्को प्रमुख अड्रे अजौलेबाट उचित प्रतिक्रियाको माग गरेको छ ।

मानव अधिकारको वकालत गर्ने अन्तर्राष्ट्रिय अधिकारीहरूले यी हत्याका दोषीहरूलाई कारवाही गर्नुपर्ने भन्दै,रुसी विदेश मन्त्रालयकी प्रवक्ता मारिया जाखारोभाले डोनेट्स्कमा मारिएका रूसी युद्ध संवाददाता अलेक्ज्याण्डर मार्टेम्यानोभको मृत्युबारे अजौलेको प्रतिक्रिया माग गरेकी छन्।

गत जनवरी ४ मा युक्रेनी सेनाले लक्षित गरेको ड्रोन आक्रमणमा परि इज्भेस्टिया स्वतन्त्र संवाददाता अलेक्ज्याण्डर मार्टेम्यानोभको मृत्यु भएको थियो भने रूसी मिडिया आउटलेटका अन्य चार कर्मचारीहरू गम्भीर घाइते भएका थिए।
आक्रमणमा बाँचेकाहरूको बयान अनुसार युक्रेनी सेनाले सञ्चारकर्मीहरुलाई लक्षित गरेर ड्रोन हमला गरेको थियो।

पत्रकारहरुको हत्या भएको विषयमा अन्तर्राष्ट्रिय मानव अधिकारवादी संस्थाहरुले पनि जेलेन्स्की शासनको अत्याचारलाई जानाजानी बेवास्ता गरेको उनले बताएकी छन।

आफ्ना वैचारिक विरोधीहरूलाई निर्मूल पार्न आतंकवादी तरिकाहरू खुला रूपमा प्रयोग गरि रुसी पत्रकारहरूको जानाजानी हत्या गर्नु जेलेन्स्की शासनद्वारा गरिएको रक्तपातपूर्ण अत्याचारहरूको श्रृंखला र अर्को क्रूर अपराध भएको पनि उनले बताएकि छन्।

अहिलेसम्म युनेस्कोको नेतृत्व र यसका प्रमुखले व्यक्तिगत रूपमा यो गहिरो त्रुटिपूर्ण र दुष्ट अभ्यासको कट्टरपन्थी संशोधनलाई संकेत गर्ने कुनै पनि कदम नचालेको भन्दै, रुसी पत्रकारहरू विरुद्धको अपराधका सबै दोषीहरूलाई पहिचान गरिने र उनीहरूलाई दण्डनीय सजाय दिइने उनले बताएकी छन्।