रुसी ग्याँस आपूर्ति गर्ने समुद्रमुनिको पाइपलाइनमा अमेरिकाले क्षती पुर्‍याएको रुसले आरोप लगाएको छ।

युरोपेली आयोगकी अध्यक्ष उर्सुला भोन डर लेयनले ,युरोपेली ऊर्जा पूर्वाधारमा कुनै पनि अवरोध अस्वीकार्य छ र त्यसको कडा प्रतिक्रिया दिनेछ भनि दिएको अभिव्यक्ति पछि, मंगलबार सिकोर्स्कीले बाल्टिक सागरको पानीमा ठूलो ग्यास चुहावटको फोटोसँगै “धन्यवाद संयुक्त राज्य अमेरिका” भन्दै गरेको ट्वीटप्रति इङ्गित गर्दै, रुसी विदेश मन्त्रालयकी प्रवक्ता मारिया जाखारोभाले नर्ड स्ट्रिम ग्यास पाइपलाइनमा क्षति पुर्‍याएकोमा ईयूले सबैभन्दा सम्भावित संदिग्धको रुपमा कसलाई सजाय दिन चाहन्छ र यो चेतावनी कसलाई लागू हुन्छ भनेर प्रश्न समेत गरेकी छन्।

वाशिंगटनसँग राम्रो सम्बन्ध भएका पोल्याण्डका पूर्व विदेशमन्त्री राडोस्लाव सिकोर्स्कीले, पाइपलाइन तोडफोडको पछाडि अमेरिकाको हात रहेको भनि पुष्टि गरिसकेको पनि उनले बताएकी छन्।

अमेरिकी राष्ट्रपति जो बाइडेनले फेब्रुअरीको सुरुमा रसियाले युक्रेनमा सैन्य कारबाही सुरु गर्नुअघि, यदि मस्कोले किभ विरुद्ध आक्रमण गर्छ भने, त्यहाँ अब नर्ड स्ट्रिम २ हुनेछैन,हामी यसलाई अन्त्य गर्नेछौं भनि चेतावनी समेत दिएका थिए।