काठमाडौं : कर्णाली प्रदेशमा हुने १०औं राष्ट्रिय खेलकुदको तयारीका लागि काठमाडौंको राखेप भवन त्रिपुरेश्वरमा खेलकुदमन्त्री तेजुलाल चौधरीले सचिवालयको उद्घाटन गरेका छन्।

स्वास्थ्यका लागि खेलकुद, राष्ट्रका लागि खेलकुद भन्ने नाराका साथ चैत २३ गतेदेखि ३० गतेसम्म कर्णालीमा १०औं राष्ट्रिय खेलकुद २०८१ आयोजना हुँदैछ।

राष्ट्रिय खेलकुदलाई सफल बनाउनका लागि आवश्यक कामकाजलाई सहजीकरण गर्न काठमाडौंमा नै सचिवालय स्थापना गरिएको राष्ट्रिय खेलकुद परिषद् (राखेप)ले जनाएको छ। सचिवालयको उद्‍घाटन गर्दै खेलकुदमन्त्री चौधरीले माघ ३ गते राखेप बोर्डको बैठक बोलाइएको र बैठकमा १०औं राष्ट्रिय खेलकुदका विषयमा विस्तृत छलफल हुने जानकारी दिए।

उनले राष्ट्रिय खेलकुदलाई भव्यरूपमा सम्पन्न गर्नका लागि बजेटको अभाव नहुने भन्दै यसअघिको भन्दा भव्यरूपमा सम्पन्न गर्ने बताएका छन्।

त्यस्तै राखेप सदस्यसचिव टंकलाल घिसिङले खेलकुदका लागि प्रदेशले छनौट कार्यलाई अन्तिम चरणमा पुर्‍याएको र प्रतियोगितामा सहभागी विभिन्न टोलीलाई आवश्यक बजेट उपलब्ध गराउने र टोली व्यवस्थापनको जिम्मेवारी पनि उनीहरूलाई नै दिइने जानकारी दिए।

अविरल वर्षासँगै आएको पहिरोले हुम्ला चंखेली गाउँपालिका–६ का मानवीर बिकको घर पुरिएको छ। पहिरोमा परि ६० वर्षीया तुलसी विक, १२ वर्षीया हैजा बिक, ९ वर्षीया सुस्मिता विक, ७ वर्षीया बसन्त विकको मृत्यु भएको प्रहरीले जनाएको छ। घाइते भएका अन्य ५ जना व्यक्तिको भने स्वास्थ्य चौकीमा उपचार भइरहेको प्रहरीले जनाएको छ।

त्यसैगरी, मुगुको छायानाथ रारा नगरपालिकाको वडा नम्बर ८ मा पहिरोमा परि एक जनाको मृत्यु भएको छ भने ११ जना बेपत्ता भएका छन् । छायानाथ रारा नगरपालिकामा पहिरोले दर्जनौँ घरमा क्षति पुर्याएको छ भने अन्य दर्जनौं घरहरुपनि जोखिममा रहेका छन्। अविरल वर्षाको कारण बालीनाली पूर्ण रुपमा नष्ट भएको छ भने केहि स्थानमा पुलहरु बगाउँदा यातायात सेवा अवरुद्द हुन पुगेको छ।

त्यस्तै,कालिकोटको तिलागुफा नगरपालिका ४ राँचुलीमा पहिरोमा परि मलामी गएका तिलागुफा नगरपालिका ४ का नवनिर्वाचित वडाअध्यक्ष परमबहादुर शाहीसहित १३ जना बेपत्ता भएका छन्। तिलाकर्णाली नदीमा लाश जलाउँदै गर्दा आएको पहिरोमा पुरिएर उनीहरु बेपत्ता भएको प्रहरीले जनाएको छ।

https://nepalrastriyadainik.com/%e0%a4%9c%e0%a5%81%e0%a4%ae%e0%a5%8d%e0%a4%b2%e0%a4%be%e0%a4%95%e0%a5%8b-%e0%a4%aa%e0%a4%b9%e0%a4%bf%e0%a4%b0%e0%a5%8b%e0%a4%ae%e0%a4%be-%e0%a4%aa%e0%a5%81%e0%a4%b0%e0%a4%bf%e0%a4%8f%e0%a4%b0/

ट्रेन्डिङ

१०औं राष्ट्रिय खेलकुद तयारीका लागि सचिवालय स्थापना

मलामी गएका १३ जना पहिरोमा परि बेपत्ता

इडिटोरियल नेपाल प्रा लि द्वारा सञ्चालित