भारतको राजधानी नयाँ दिल्लीबाट आएका दुई विमान काठमाडौंको त्रिभुवन विमानस्थलमा देखिएको खराब मौसमका कारण डाइभर्ट गरिएका छन् ।

नयाँ दिल्लीबाट आएको विस्तारा एयरको उडान लखनउ डाइभर्ट गरिएको छ भने दिल्लीबाट आएको इन्डिगो एयरको उडान दिल्लीतर्फ नै फर्किएको छ ।

जापानको टोकियोबाट आएको नेपाल एयरलाइन्सको उडान र कोरियाबाट आएको कोरियन एयरको उडान मौसम खराबीका कारण केही समय आकाशमै होल्ड गरेर अवतरणको प्रक्रियामा छन् ।

बुधबार साँझ परेको अविरल वर्षापछि काठमाडौंको मौसम बिग्रिएको थियो ।