काठमाडौं – परराष्ट्रमन्त्री एनपी साउदले नेपाल–भारत सीमा विवाद राजनीतिक सहमतिका आधारमा समाधान गर्नुपर्ने बताएका छन् ।

भारतको ७५औँ गणतन्त्र दिवसका अवसरमा सोमबार काठमाडौंमा आयोजित कार्यक्रममा बोल्दै उनले सीमा समस्या समाधानका लागि बनेको प्रशासनिक संयन्त्रले प्राविधिक काम सकेपछि राजनीतिक समाधान खोज्नुपर्ने बताए ।

‘सीमा समस्या समाधान गर्दा राजनीतिक रूपमा सहमति हुनुपर्छ, हामीसँग प्रशासनिक रूपमा पनि संयन्त्र छ, त्यो संयन्त्र सक्रिय हुनुपर्छ, सक्रिय भएपछि दुवै छिमेकीले तथ्यका आधारमा कूटनीतिक तवरले यो समस्या समाधान गर्नुपर्छ, उनले भने।

भारतीय विदेशमन्त्री एस जयशंकरको नेपाल भ्रमणका क्रममा दुवै देशका प्रतिनिधिले वार्ता र छलफलबाट सीमा समस्या समाधान गर्ने प्रतिबद्धता व्यक्त गरेको पनि परराष्ट्रमन्त्री साउदले जानकारी दिए ।