अमेरिकी राष्ट्रपति डोनाल्ड ट्रम्पले इजरायल र इरान ” पूर्ण युद्धविराम” मा सहमत भएको बताएका छन् छन्।

ट्रम्पले युद्धविराम आगामी केही घण्टामा लागू हुने बताएका छन् भने ,इरान र इजरायलले युद्धविराम भएको पुष्टि गर्न बाँकी छ। यसअघि, इरानले शनिबार आफ्नो आणविक स्थलहरूमा भएको आक्रमणको प्रतिक्रियामा कतार र इराकको अमेरिकी हवाई अड्डामा क्षेप्यास्त्र प्रहार गरेको थियो।

उक्त प्रहारमा, ट्रम्पले कुनै पनि अमेरिकी वा कतारी हताहत नभएको भन्दै इरानी प्रतिक्रियालाई “धेरै कमजोर” भएको र उक्त प्रहारको “प्रारम्भिक सूचना” दिएकोमा इरानलाई धन्यवाद दिएका छन् ।

कतारले अमेरिकाद्वारा सञ्चालित अल उदेइद बेसलाई लक्षित सबै क्षेप्यास्त्रहरू रोकिएको बताएको छ। इरानको प्रतिक्रिया अमेरिकाले इरान भित्रका तीन आणविक केन्द्रहरू विरुद्ध ठूलो आक्रमण गरेको दुई दिनपछि आएको हो।