विश्वका सात प्रमुख राष्ट्र (जी सेवेन देश)का नेताहरूले युक्रेनी राष्ट्रपति भोलोडिमिर जेलेन्स्कीसँग आगामी आइतबार युक्रेनको वर्तमान अवस्था र आवश्यकताबारे छलफल गर्ने भएका छन्।

हाल जी सेवेन देशको अध्यक्षता गरिरहेको जर्मनीले बैठकको संयोजन गर्ने बताइएको छ। यो एक वर्ष भित्र आयोजित तेस्रो भर्चुअल बैठक हुनेछ।बैठकको मुख्य विषय नै युक्रेन संकटको बारेमा हुनेछ र युक्रेनका राष्ट्रपति जेलेन्स्कीले देशको वर्तमान अवस्था र आवश्यकताबारे जी सेवेन देशका नेताहरुलाई जानकारी दिनेछन्।

जी सेवेन देशका नेताहरूले युक्रेनलाई सहयोग गर्ने र रुसलाई आफ्नो आक्रमण अन्त्य गर्न दबाब दिंदै आएका छन्।