फागुन २० गतेसम्म १८ वर्ष पूरा हुने नागरिकले भोट हाल्न पाउने

काठमाडौँ – निर्वाचन आयोगले कात्तिक ३० गते सम्म मतदाता नामावली सङ्कलन र अद्यावधिक गर्ने निर्णय गरेको छ ।

आयोगका कार्यवाहक प्रमुख निर्वाचन आयुक्त रामप्रसाद भण्डारीका अनुसार आगामी फागुन २० गतेसम्म १८ वर्ष पूरा हुने नागरिकले भोट हाल्न पाउनेछन् ।

आगामी फागुन २१ गते हुने निर्वाचनका लागि अध्यादेशमार्फत मतदाता नामावली सङ्कलन गर्न सरकारले बाटो खुलाए संगै मतदाता नामावली संकलन कार्य सुरु भएको आयोगले जनाएको छ।