काठमाडौँ – बाँसबारी छाला तथा जुत्ता कारखाना जग्गा घोटाला प्रकरणमा पक्राउ परेका उद्योगी अरुण चौधरीसहित तीन जनालाई काठमाडौं जिल्ला अदालतले दुई दिनको म्याद थप गरेको छ ।यसअघि उनीहरुलाई अदालतले चार दिन हिरासतमा राख्न अनुमति दिएको थियो ।

थपिएको अवधिभित्र अनुसन्धान पूरा नभए व्यक्तिगत जमानतमा रिहा गर्न समेत अदालतले आदेश दिएको छ। नेपाल प्रहरीको केन्द्रीय अनुसन्धान ब्यूरोले जग्गा घोटालामा संलग्न सीजी होल्डिङ्सका अध्यक्ष तथा प्रबन्ध निर्देशक चौधरीसहित दुई जनालाई बिहीबार पक्राउ गरेको थियो ।

अरुण कुमार चौधरीमाथी सरकारी स्वामित्वमा रहेको जुत्ता कारखानाको १० रोपनी सार्वजनिक जग्गा गैरकानुनी रूपमा निजी सम्पत्तिमा परिणत गरेको आरोप छ ।

अरुण चौधरीसँगै सीआईबीले छाला तथा जुत्ता कारखानाका पूर्व कार्यकारी अध्यक्ष अजितनारायण सिंह थापा र चौधरी परिवारले उक्त १० रोपनी जग्गामा स्थापना गरेको सीजी चन्दबाग रेसिडेन्सी एण्ड च्याम्पियन फुटवेयर कम्पनीका निर्देशक सञ्जय ठाकुरलाई पनि पक्राउ गरेको छ ।

बाँसबारी जग्गा प्रकरणमा कानुन उल्लंघन भएकोभए जग्गा फिर्ता गर्ने चौधरीको प्रतिबद्धता

सरकारी जग्गा हिनामीना अभियोगमा सीजी होल्डिङ्सका अध्यक्ष अरुण चौधरी पक्राउ