काठमाडौँ — अर्थ मन्त्रालय अन्तर्गतका संस्थान र निकायमा कर्मचारीले काममा ढिलासुस्ती गर्ने, अनुचित दबाब दिने वा घुस–रिसवत मागेमा अब सीधै अर्थमन्त्री रामेश्वर खनाललाई इमेल वा हटलाइनमार्फत गुनासो गर्न सकिने भएको छ।

मन्त्रालयले गुनासो व्यवस्थापनका लागि विशेष व्यवस्था गरेको जनाएको छ। सूचनामा भनिएको छ, “अर्थ मन्त्रालय मातहतका नियामक निकाय, विभाग, कार्यालय तथा बैंक–वित्तीय संस्थाबाट उपलब्ध हुने सेवामा ढिलासुस्ती, अनुचित कार्य वा घुसको माग भएमा सीधै अर्थमन्त्रीको इमेल वा मन्त्रालयको गुनासो इमेलमा उजुरी दिन सकिन्छ।”

यसका साथै, टोलफ्री हटलाइन नम्बर १८१०५०००४१० मा पनि सीधै फोन गरेर गुनासो दर्ता गर्न सकिने व्यवस्था गरिएको छ।