अर्थमन्त्री रामेश्वर खनालले तलब, आवास, सवारीलगायत कुनै सेवा सुविधा नलिने घोषणा गरिसकेका छन्।

काठमाडौँ– नवनियुक्त अर्थमन्त्री रामेश्वर खनालले पदभार ग्रहण गरेपछि मन्त्रालयमा कार्यभार सम्हाल्दै टुक्रे आयोजना कार्यान्वयन नगर्ने पहिलो निर्णय गरेका छन्।

युवाको माग सम्बोधन र निर्वाचन गर्नुपर्ने भएकाले तयारी नगरिएका र टुक्रे योजना कार्यान्वन नगरेर खर्च कटौती गरिने उनले बताएका छन् ।उनले आजै बजेटमा भएका कार्यक्रम कटौतीका लागि बजेट महाशाखा प्रमुखको संयोजकत्वमा तीन सदस्यीय कार्यदल समेत गठन गरेका छन् । उक्त कार्यदलले बजेटका आयोजनालाई फिल्टर गरी प्राथमिकिकरण गर्नेछ ।

यो कामचलाउ सरकार मात्र भएकाले नयाँ सवारी साधन खरिद नगर्न र कवाडी भएको बिक्री गरी पुनःनिर्माण तत्कालै सुरु गर्न उनले निर्देशन दिएका छन्। उनले गाडी, र पीएसओ लगायतका सुविधा पनि नलिने बताएका छन।