भारतीय संसदमा अखण्ड भारतको नक्सा राखेको विरोधमा नेकपा एमाले निकट युवा संगठन राष्ट्रिय युवा संघले अखण्ड भारतको नक्सा जलाएको छ।

नक्सामा नेपाली भूभाग राखेको भन्दै एमालेको भातृ संगठन युवासंघले काठमाडौंको नयाँ बानेश्वरमा राँके जुलुससहित प्रदर्शन गरेर अखण्ड भारतको नक्सा जलाएको हो ।

उनीहरुले ‘सरी मोदी ब्रो, प्रचण्ड र रामचन्द्रलाई लैजाऊ, लुम्बीनी र कपिलवस्तु कदापि दिन सकिन्न’, ‘जा जा प्रचण्ड जा, देश बेचेर खा’ र ‘सीमाना पारी पाहुनाको लस्कर, शितल निवासमा नागरिकता तस्कर’ लगायतका नारासहित अखण्ड भारतको नक्सा जलाएका हुन् ।