काठमाडौं – आज राष्ट्रपति पौडेलबाट मन्त्रि पदको सपथ लिएसँगै सिंहदरबार प्रवेश गर्नुपर्ने मन्त्रि कुलमान घिसिङ सिंहदरबार प्रवेश गर्नु अघि जेनजी आन्दोलनका क्रममा घाइते भएका नागरिकलाई भेट्न टिचिङ अस्पताल पुगेका छन्।उनले आन्दोलनका क्रममा मृत्यु भएका मृतकका आफन्तलाई समेत भेट गरेका छन्।

शीतलनिवासमा पदभार ग्रहण गरेलगत्तै घिसिङ अस्पताल पुगेका हुन्। उनलाई ऊर्जा, जलस्रोत तथा सिंचाइ,भौतिक पूर्वाधार र सहरी विकास मन्त्रालयको जिम्मेवारी दिइएको छ।

प्रधानमन्त्री सुशीला कार्कीले आइतबार मात्र उनलाई मन्त्रीमा नियुक्त गरेकी थिइन्। घाइते भेटेपछि घिसिङले संक्षिप्त प्रतिक्रिया दिँदै भने, अब देश नयाँ दिशातिर अघि बढ्नेछ र नयाँ रूप लिनेछ।