काठमाडौँ — प्रतिनिधि सभाबाट पारित भएर अगाडि बढेको प्रावधान अनुसार निजामती कर्मचारीलाई अवकाशपछि कुलिङ पिरियड लाग्ने व्यवस्था राष्ट्रिय सभाको विधायन व्यवस्थापन समितिबाट पनि अनुमोदित भएको छ।

शनिबारको छलफलपछि बैठकमा सभापति तुलसी कुमारी दाहालले कुलिङ पिरियड राखेर जाने निर्णय भएको बताएकी छन्।

उनले यो सैद्धान्तिक सहमति भएको र प्रतिवेदन तयार गरी पुनः समीक्षा गरेर अगाडि बढाइने जानकारी दिएकि छन्।