EN
काठमाडौँ- निरन्तरको वर्षापछि खसेका पहिरोका कारण नारायणगढ–मुग्लिन सडकखण्ड र मुग्लिन–नौबिसे सडकखण्ड दुबै आवतजावतका लागि बन्द भएका छन्।
धादिङ जिल्ला प्रहरी कार्यालयका अनुसार बेनीघाट रोराङ–१० को जवाङ खोलामा आज बिहान करिब २ बजे पहिरो खस्दा मुग्लिन–नौबिसे सडक अवरुद्ध भएको हो। त्यसैगरी नारायणगढ–मुग्लिन खण्डको तुइन खोलामा पनि पहिरो खसेर सडक बन्द भएको छ।
पहिरोको कारण दुवै तर्फ यातायात पुनः पूर्णरुपमा रोकिएको छ।
निरन्तर वर्षा र ढुंगा–माटो खस्ने क्रम जारी भएकाले अहिले सडक सफा गर्ने काम अघि बढाउन नसकिएको प्रहरीले जनाएको छ। २० गतेसम्म यात्रा गर्दा सावधानी अपनाउन सरकारले सार्वजनिक सुचना समेत जारि गरेको छ।
