पोखरा – नेपाल भ्रमणमा रहेका बेलायतका राजकुमार एडवर्डले बेलायती सेनामा नयाँ भर्ती भएका २७४ नेपालीलाई पद तथा गोपनीयताको शपथ गराएका छन्।

हिन्दू धर्मशास्त्र अनुसार स्वस्तिशन्ति मन्त्रको पाठ गरेपछि, एडिनबर्गका ड्यूक र डचेसले पोखराको ब्रिटिश क्याम्पमा आयोजित एक समारोहमा नेपाली सैनिकहरूलाई शपथ गराएका छन् । उनीहरूले लामो समयदेखि सेवा गरिरहेका ब्रिटिश पूर्व सैनिकहरूलाई पदक तथा सम्मान समेत प्रदान गरेका छन् ।

राजकुमार एडवर्ड र उनकी श्रीमती निजी भ्रमणमा गत मंगलबार काठमाडौं आइपुगेका थिए। उनीहरू माघ २७ मा स्वदेश फर्कनेछन्।