काठमाडौं — मंगलबार दिनभर र राति अबेरसम्म पनि आन्दोलन कम नभएपछि नेपाली सेनाले तत्काल लुटपाट, आगजनी लगायतका गतिविधि रोक्न आग्रह गरेको छ।

सैनिक सूचना तथा जनसम्पर्क निर्देशनालयले जारी गरेको विज्ञप्तिमा, यस्ता गतिविधि रोकिएन भने राति १० बजेदेखि नेपाली सेनासहित सम्पूर्ण सुरक्षा संयन्त्र परिचालित हुने चेतावनी दिइएको छ।

विज्ञप्तिमा केही समूहले असामान्य परिस्थितिको अनुचित लाभ उठाउँदै सर्वसाधारण नागरिक र सार्वजनिक सम्पत्तिमा ठूलो क्षति पु¥याएको भन्दै यसलाई नियन्त्रणमा लिन सम्पूर्ण नागरिकसँग सहयोगको अपिल गरिएको छ।

यस्तै, सुरक्षा स्थितिको पुनर्मूल्यांकनपछि थप सूचना जारी गरिने पनि सेनाले जनाएको छ।