इन्डियन आयल कर्पोरेशनले पेट्रोलियम पदार्थको नयाँ मूल्यसूची पठाएको छ ।

आईओसीको नयाँ मूल्यसूची अनुसार पेट्रोलमा प्रतिलिटर १.३९ रुपैयाँ र डिजेलमा प्रतिलिटर ६.१२ रुपैयाँ बढेको छ । नेपाल आयल निगमका अनुसार नयाँ मूल्यसूचीसँगै पेट्रोलको नाफा २ रुपैयाँले घटेको छ भने डिजेलमा १२ रुपैयाँले नोक्सानी हुनेछ। ग्यासको मूल्य भने प्रति सिलिन्डर एक रुपैयाँ घटेको छ ।

हाल नेपालमा पेट्रोलको मूल्य १८१, डिजेल र मट्टितेलको मूल्य १७२ र ग्यास प्रति सिलिन्डर १८०० छ।

आईओसीले पठाएको नयाँ मूल्यसूची अनुसार आयल निगमले उपभोक्तालाई बिक्रि गर्ने डिजेल र मट्टीतेलमा भने प्रति लिटर ६ रुपैयाँ वृद्धि गरेको छ।। यधपी यस अघि लगातार ३ पटक सम्म मूल्य घट्दा पनि निगमले घाटा र ऋण देखाउंदै मूल्य समायोजन गरेको थिएन।