स्थानीय निर्वाचनको समीक्षा गर्न बसेको सत्तारुढ पाँच दलका शीर्ष नेताबीचको बैठकमा संसदीय निर्वाचन कहिले गर्ने भन्ने विषयमा छलफल भएको छ ।

स्थानीय तहको निर्वाचनपछि पहिलोपटक बालुवाटारमा बसेको शीर्ष नेताहरुको बैठकमा गठबन्धनका शीर्ष नेताहरुले संसदीय निर्वाचनका विषयमा अनौपचारिक छलफल भएको पुष्टि गरेका छन् ।

बैठकमा आगामी कात्तिक २७ वा मंसिर ४ गते संसदीय निर्वाचन गर्ने भन्नेबारे पनि छलफल भएको र यसका लागि निर्वाचन आयोगसँग पनि परामर्श गर्ने निर्णय भएको गठबन्धनका शिर्ष नेताहरुले बताएका छन्।