पाकिस्तानका पूर्वप्रधानमन्त्री इमरान खान र उनकी पत्नी बुशरा बीबीलाई १४ वर्षको जेल सजाय सुनाइएको छ र यो उनलाई दुई दिनको अन्तरालमा सुनाइएको दोस्रो सजाय हो।

२०२२ मा विपक्षीहरूले प्रधानमन्त्रीबाट अपदस्थ गरेका खान, यसअघी नै भ्रष्टाचारको आरोपमा तीन वर्षको जेल सजाय भोगिरहेका छन् । उनले यी सबै मुद्धाहरु आफु विरुद्ध राजनीतिक रूपमा अभिप्रेरित भएको बताएका छन्।

बुधवारको अदालतको मुद्दा उनी र उनकी श्रीमतीले कार्यालयमा रहँदा प्राप्त गरेको उपहारको बारेमा थियो भने मंगलबारको मुद्दामा राज्यको गोप्य सुचना चुहावट गरेको आरोपमा उनलाई १० वर्षको सजाय सुनाइएको थियो। अदालतले दम्पतीलाई करिब १.५ बिलियन पाकिस्तानी रुपैयाँ (£४.२ मिलियन; $५.३ मिलियन) जरिवाना तिर्न पनि आदेश दिएको छ।

खानको पाकिस्तान तहरीक-ए-इन्साफ (पीटीआई) पार्टीले पनि यो सजायले खानलाई सार्वजनिक पदमा रहनबाट 10 वर्षको लागि बन्देज लगाएको बताएका छन् ।

खानका वकिलहरूले दुवै मुद्दामा पाकिस्तानको उच्च अदालतमा अपील गर्ने बताएका छन्। रिमाण्डमा बाहिर रहेकी उनकी पत्नी बुशरा बीबीले बुधबार जेलमा आत्मसमर्पण गरेकी छन्। खान प्रधानमन्त्री हुँदा गुमनाम जस्तै रहेकी बुशाराले खान प्रधानमन्त्री निर्वाचित हुनुभन्दा अघि २०१८ मा खानसंग विवाह गरेकी थिइन।