युक्रेनमा जारी द्वन्द्वको कारण युरोपियन युनियनले उर्जा सङ्कट भोग्दै गर्दा, विश्व ऊर्जा बजारमा अमेरिकालाई हावी हुनदिन नहुने फ्रान्सका अर्थमन्त्री ब्रुनो ले माइरेले बताएका छन्।

फ्रान्सको राष्ट्रिय सभालाई सम्बोधन गर्दै, रुस-युक्रेन द्वन्द अमेरिकी आर्थिक वर्चस्व र ईयूको कमजोरीमा समाप्त हुनु नहुने पनि उनले बताएका छन्। अमेरिकाले रुस युक्रेन द्वन्दको कारण सिर्जित युरोपको उर्जा सङ्कटको फाइदा उठाउँदा , तोकिएको भन्दा चार गुणा बढी मूल्यमा तरल प्राकृतिक ग्यास खरिद गर्नुपरेको उनले बताएका छन्।

रुस- युक्रेन द्वन्द अगाडि युरोपमा सबैभन्दा बढी उर्जा रुसबाटै आयात हुने गरेको थियो। तर अमेरिका लगायत युरोपियन युनियन राष्ट्रहरुले रुसप्रति लगाएको प्रतिबन्ध र केहि समय अगाडी मात्र भएको नर्ड स्ट्रिम ग्याँस पाइपलाइन विस्फोटको कारण
युरोपेली संघलाई रुसी ग्यास आपूर्तिमा उल्लेख्य कमी आएको छ।