यस वर्षको मेडिसिनतर्फको नोबेल पुरस्कार मेरी ई. ब्रुनकाउ(अमेरीका) , फ्रेड र्याम्सडेल(अमेरीका), र शिमोन साकागुची(जापान) लाई प्रदान गरिएको छ।

स्विडेनको करोलिन्स्का इन्स्टिच्युटले सोमबार घोषणा गरेको अनुसार, उनीहरूलाई मानव शरीरलाई हानि हुन नदिन प्रतिरक्षा प्रणाली कसरी नियन्त्रणमा रहन्छ भन्ने विषयमा गरेको खोजका लागि सम्मान गरिएको हो।

तीन वैज्ञानिकले परिधीय इम्युन टोलरेन्स सम्बन्धी खोज गरेका हुन्, जसले शरीरमा आत्मप्रतिरक्षा रोगहरूलाइ रोक्न मद्दत गर्छ।

उनीहरूले ११ मिलियन स्विडिस क्रोना (लगभग १.१७ मिलियन अमेरिकी डलर) पुरस्कार बराबरी रूपमा बाँड्ने छन्। नोबेल पुरस्कार डिसेम्बरमा स्विडेनका राजाले प्रदान गर्ने छन्।