काठमाडौं – जेन जी पुस्ताको आन्दोलनपछि काठमाडौंका सडकमा नेपाली सेनाले गस्ती थालेको छ। आन्दोलनका क्रममा मानविय तथा भौतिक संरचनामा क्षति पुगेपछि गए राति १० बजेदेखि नेपाली सेनाले शान्ती सुरक्षाको नेतृत्व गर्दै मुलुकको सुरक्षाको जिम्मेवारी सम्हालेको हो।
सेनाले विना काम घरबाहिर ननिस्कन सर्वसाधारणलाई आग्रह गर्दै बाहिर निस्किएका नागरिकलाई पनि फर्काइरहेको छ। तर आकस्मिक सेवामा संलग्न व्यक्तिहरुलाइ भने सेनाले सोधपुछ गर्ने र परिचयपत्र देखाएर मात्रै हिंडडुल गर्न पाउने व्यवस्था गरेको छ।
काठमाडौँ- नेपाली सेनाले आन्दोलनका कार्यक्रम स्थागित गरी वार्तामा आउन जेनजीलाई आग्रह गरेको छ।
प्रधान सेनापति अशोकराज सिग्देलले भिडिओ सन्देश जारी गरी वार्ताका लागि आह्वान गरेका हुन्।
आन्दोलनका क्रममा अपूरणीय क्षतिप्रति गहिरो दुःख व्यक्त गर्दै सिग्देलले धेरै जनधनको क्षति भइसकेको हुँदा क्षति हुन नदिन र शान्ति सुरक्षा, अमन चयन र शान्ति कायम गर्नु सबैको जिम्मेवारी रहेको बताएका छन्।
त्यस्तै सुरक्षाको प्रत्याभूति दिई रक्षा गर्नु हामी सबैको कर्तव्य भएकाले आन्दोलनका कार्यक्रम स्थागित गरी वार्तामा आउन आग्रह गरेका छन्।
EN
