काठमाडौं – संसदमा हवाई सेवा र नागरिक उड्ययन प्राधिकरणसम्बन्धी छुट्टाछुट्टै विधेयक दर्ता भएको छ ।

संघीय संसद् सचिवालयमा नेपाल नागरिक उड्ययन प्राधिकरण सम्बन्धी कानुनलाई संशोधन गर्न बनेको विधेयक–२०८१ र नेपाल हवाई सेवा प्राधिकरणको स्थापना र व्यवस्था गर्न बनेको विधेयक–२०८१ दर्ता भएको संस्कृति, पर्यटन तथा नागरिक उड्ययनमन्त्री बद्रिप्रसाद पाण्डेले बताएका छन्।

नेपाल नागरिक उड्डयन प्राधिकरणबाट नियामक र सेवा प्रदायकसम्बन्धी दुवै प्रकारका कार्यहरू सम्पादन हुँदै आइरहेकोमा त्यसलाई फरक बनाउनका लागि उक्त विधेयक ल्याइएको हो।

नेपाल नागरिक उड्डयन प्राधिकरणलाई अमेरिका र स्विजरल्यान्डसँग हवाई सम्झौता गर्न सरकारले अनुमति दिएको छ ।

मन्त्रिपरिषदको पछिल्लो बैठकले अमेरिका र स्विजरल्यान्डसँग हवाई सम्झौता गर्न नेपाल नागरिक उड्डयन प्राधिकरणलाई अनुमति दिएको हो। मन्त्रिपरिषदको अनुमतिसंगै प्राधिकरणलाई दुवै मुलुकसँग द्विपक्षीय हवाई सेवा सम्झौता गर्ने मार्ग खुल्ला भएको छ।

सम्झौतापछि दुवै मुलुकका हवाई सेवा कम्पनीहरूले एक अर्को मुलुकमा उडान भर्न पाउनेछन। नेपालले हालसम्म विश्वका विभिन्न ४० मुलुकसँग हवाई सम्झौता गरेको छ ।