काठमाडौँ – नेपाल विधुत प्राधिकरणको नवनियुक्त कार्यकारी निर्देशक मनोज सिलवालले पदभार ग्रहण गर्दै विभिन्न उधोगहरुले तिर्नुपर्ने बक्यौता रकम उठाउने बताएका छन्। त्यसो त मन्त्रि घिसिङले पनि आफु मन्त्री भए लगत्तै बक्यौता रकम कुनै पनि हालतमा उठाउने निर्णय गरेका थिए। सोहि अनुरुप कामको सहजता बढाउन उनले सिलवाललाई प्राधिकरणको निर्देशकमा ल्याएको पनि बुझिएको छ।

हितेन्द्रदेव शाक्यलाई हटाएर प्राधिकरणको कार्यकारी निर्देशक बनेका सिलवालले बक्यौता रकमको विषयमा विगतमा भएका निर्णयहरूलाई समेत पुनरावलोकन गरी तत्काल बक्यौता उठाउने गरी अघि बढ्ने बताएका हुन्।

ऊर्जा मन्त्री कुलमान घिसिङले गत आइतबार प्राधिकरणका कार्यकारी निर्देशक हितेन्द्रदेव शाक्यलाई हटाएर सिलवाललाई नियुक्त गरेका हुन्। उनले डेडिकेटेड र ट्रङ्क लाइनको महसुल उठाउने आफ्नो पहिलो प्राथमिकता रहने र प्राधिकरणमा आन्तरिक संरचना सुधार गर्ने,आन्तरिक नीतिहरू बनाउने र आर्थिक रूपमा प्राधिकरणलाई सम्पन्न गराउँदै जेनजीको भावना अनुसार काम गर्ने बताएका छन्।