जनता समाजवादी पार्टी (जसपा) ले आफ्ना सांसद एवं प्रमुख सचेतक प्रमोद साहमाथी भएको सांघातिक आक्रमण नेकपा एमालेले गरेको आरोप लगाएको छ।

केन्द्रिय कार्यालय प्रमुख प्रकाश अधिकारीले विज्ञप्ति जारी गर्दै नेकपा एमालेका कार्यकर्ताहरुले सुनियोजित ढंगले नेता साह र जसपा का कार्यकर्ताहरुलाई आक्रमण गरेको बताउनुभएको छ ।
आज बिहान सर्लाहीको ईश्वरपुर नगरपालिकास्थित बयलबासमा बाटो बनाउने विषयमा दुई पक्षबीच विवाद हुँदा सांसद साहमाथी आक्रमण भएको थियो । घाइते साहलाई थप उपचारको लागि काठमाडौं लेराइएको छ ।