काठमाडौँ– सरकारले नेपाल विधुत प्राधिकरणको कार्यकारी निर्देशकमा मनोज सिलवाललाई नियुक्त गरेको छ।
आइतबार बसेको मन्त्रिपरिषद्को बैठकले हितेन्द्रदेव शाक्यलाई जल तथा ऊर्जा आयोगमा सरुवा गर्दै सिलवाललाई नयाँ कार्यकारी निर्देशकमा नियुक्त गरेको हो।
सिलवाल प्राधिकरणका पूर्व उपकार्यकारी निर्देशक हुन्। ऊर्जामन्त्री कुलमान घिसिङको प्रस्तावमा यो निर्णय गरिएको हो।
काठमाडौँ – ऊर्जा, जलस्रोत तथा सिँचाइ मन्त्री कुलमान घिसिङले विधुत प्राधिकरणको प्रधान कार्यालय, रत्नपार्कमा रहेको मन्त्री कार्यकक्ष तत्काल बन्द गर्न र उक्त कार्यकक्षलाई अब प्राधिकरणकै कामका लागि प्रयोग गर्न निर्देशन दिएका छन् ।
यसअघिका ऊर्जामन्त्री दीपक खड्काले प्राधिकरणका तत्कालिन कार्यकारी निर्देशक कुलमान घिसिङसँग बढ्दो तनावका बिच प्राधिकरणमा ‘मन्त्री कार्यकक्ष’ बनाउन लगाएका थिए ।
घिसिङले मन्त्रीको कार्यभार सम्हाल्दै पहिलो निर्णयका रुपमा डेडिकेटेड ट्रंक लाइनको बक्यौदा उठाउन समेत निर्देशन दिएका छन्।
EN
