काठमाडौं : सुनको भाउले नयाँ रेकर्ड बनाएको छ । साताको अन्तिम कारोबार दिन आज सुनको भाउ तोलामा १ हजार ८ सय रुपैयाँले बढेर अहिलेसम्मकै उच्च रहेको छ।

नेपाल सुनचाँदी व्यवसायी महासंघका अनुसार शुक्रबार सुनको मूल्य प्रतितोला १ लाख ४६ हजार ७ सय रुपैयाँ कायम भएको छ । बिहीबार प्रतितोला १ लाख ४४ हजार ९ सय रुपैयाँ रहेको सुनको भाउ ८ सय रुपैयाँले बढेको हो ।

यस्तै चाँदीको भाउ तोलामा १७ रुपैयाँले केही बढेर बिहीबार तोलाको एक हजार ८ सय ८५ रुपैयाँको तुलनामा शुक्रबार प्रतितोला एक हजार ९ सय रुपैयाँमा कारोबार भएको छ ।

अन्तर्रा्ष्ट्रिय बजारमा सुनको मूल्य उकालो लाग्दा स्थानीय स्तरमा पनि त्यसको असर परेको छ । सुनको भाउ बिहीबार २ हजार ३ सय ८१ दशमलव ४४ डलर प्रति औंस रहेकोमा शुक्रबार २ हजार ४०९.७६ डलर प्रति औंस पुगेको छ ।

शुक्रबार चाँदीको मूल्य प्रति औंस ३१ दशमलव २१ डलरमा कारोबार भएसँगै अन्तर्राष्ट्रिय बजारमा चाँदीको मूल्यमा पनि सामान्य वृद्धि भएको छ ।