फ्रान्सेली राष्ट्रपति इमानुएल म्याक्रोनले घोषणा गरेका छन् कि उनको देशले प्यालेस्टाइनलाई एक राज्यको रूपमा मान्यता दिनेछ जुन उनले यस क्षेत्रमा “न्यायपूर्ण र दिगो शान्तिको लागि ऐतिहासिक प्रतिबद्धता” भनेका छन्।

बिहीबार X मा लेख्दै उनले भने , “सेप्टेम्बरमा न्यूयोर्कमा हुने संयुक्त राष्ट्र महासभामा यस सम्बन्धमा औपचारिक घोषणा गर्नेछु ।आजको तत्काल आवश्यकता गाजामा युद्ध अन्त्य गर्नु र नागरिक जनसंख्यालाई उद्धार गर्नु हो,” ।

विश्वभरका धेरैजसो देशहरूले प्यालेस्टाइनलाई एक राष्ट्रको रूपमा मान्यता दिए पनि, संयुक्त राज्य अमेरिका र यसका धेरै नजिकका सहयोगीहरूले त्यसो गरेका छैनन् । राष्ट्रपति म्याक्रोनको निर्णयसँगै, फ्रान्स G7 मा पहिलो प्रमुख देश हुनेछ जसले आधिकारिक रूपमा प्यालेस्टिनी राज्यलाई मान्यता दिनेछन्।

गाजा स्वास्थ्य मन्त्रालयका अनुसार अक्टोबर २०२३ मा सुरु भएको द्वन्द्वमा ५९,००० भन्दा बढी प्यालेस्टिनीहरूको मृत्यु भएको छ ।