काठमाडौँ- नेपाल सरकारले सवारीसाधनमा इम्बोस्ड नम्बर प्लेटमा अंग्रेजी अक्षर मात्र लेखिने निर्णय गरेकोप्रति ५३ संघसंस्थाहरूले विरोध जनाएका छन्। ति संघ संस्थाहरुको बिहीबार बसेको संयुक्त बैठकले सरकारलाई उक्त विषयप्रति आफ्नो ध्यानाकर्षण गराउँदै नेपाली भाषाको इम्बोस्ड नम्बर प्लेट लागु गर्न आग्रह गरेको छ।

बैठकपछि जारी विज्ञप्तिमा ससम्मान नेपाली अक्षर प्रयोग गर्न सरकारसँग अनुरोध गरिएको कुरा उल्लेख गरिएको छ । विज्ञप्तिमा भनिएको छ, नेपालभित्रका सवारीसाधनमा प्रयोग हुने नम्बर प्लेटबाट नेपाली अक्षर हटाउने एकतर्फी निर्णय संविधान, राजपत्रमा प्रकाशित सूचना र नेपाली जनताको भावना विपरीत भएकोले तत्काल सच्याई ससम्मान नेपाली अक्षर प्रयोग गरिनुपर्ने उल्लेख गरिएको छ। यदि निर्णय सच्याइएन भने यसबाट उत्पन्न हुने सबै परिणामको जिम्मेवारी सरकारमै हुनेछ।’