म्याड्रिड – अमेरिका र चीनका अधिकारीहरू स्पेनमा दोस्रो दिन पनि व्यापार वार्तामा व्यस्त रहेका छन्। यो वार्ता टिकटकको मालिक बाइटडान्सले अमेरिकामा खरिदकर्ता खोज्ने वा प्रतिबन्धको सामना गर्ने म्याद सकिनुअघि भइरहेको हो।

अमेरिकी वित्त मन्त्री स्कट बेसन्ट र चिनियाँ उपप्रधानमन्त्री हे लिफेङको नेतृत्वमा भएको वार्ताले दुई देशबीचको व्यापार युद्ध कम गर्ने प्रयास गर्दै वार्तालाई अगाडी बढाएको हो । गत जुलाईमा दुवै देशले ९० दिनका लागि ट्यारिफ युद्ध स्थगित गर्ने सहमति गरेका थिए।

राष्ट्रपति डोनाल्ड ट्रम्पले सुरुवातमा टिकटक प्रतिबन्ध गर्ने घोषणा गरे पनि अहिले तीनपटक म्याद बढाइसकेका छन्। उनले सुरक्षा चिन्तालाई “अतिशयोक्तिपूर्ण” भन्दै फेरि म्याद बढ्ने संकेत दिएका छन्।