कुवेतस्थित जावेर अल–अहमद अन्तर्राष्ट्रिय रंगशालामा भएको एएफसी एसियन कप छनोटको पहिलो खेलमा नेपाल २–० को गोल अन्तरले जोर्डनसँग पराजित भएको छ।

प्रशिक्षक र खेलाडीबीच विवाद भएपछि ११ जना सिनियर खेलाडी बिना नै कुवेत पुगेको नेपाली टोलीको कप्तानी नवयुग श्रेष्ठले सम्हालेका थिए।

टोलीका नियमित कप्तान तथा गोलरक्षक किरण चेम्जोङ, उपकप्तान रोहित चन्द, अन्जन विष्ट, विमल घर्तीमगर, सुजल श्रेष्ठ लगायतका अनुभवी खेलाडीलाई टोलीभन्दा बाहिर राखिएको छ।

नेपालले शनिबारको अर्को खेलमा घरेलु टोली कुवेतको सामना गर्नेछ।