पूर्व रुसी राष्ट्रपति दिमित्री मेदवेदेवले युक्रेनबाट रुसी भूभाग र क्षेत्रहरूको रक्षा गर्न रणनीतिक आणविक हतियार सहित, मस्कोमा रहेका कुनै पनि हतियार प्रयोग गर्न सकिने बताएका छन्।

उनले युक्रेनी क्षेत्रमा हुनगइरहेको जनमत संग्रह तोकिएकै मितिमा हुने र त्यसबाट पछि हट्ने अवस्था नरहेको र रुसी सशस्त्र सेनाले रुसमा सम्मिलित ति सबै क्षेत्रको संरक्षण गर्ने बताएका छन् ।

यसअघि, राष्ट्रपति भ्लादिमिर पुटिनले पनि युक्रेनमा लड्न ३००,००० रिजर्भ फोर्स परिचालन गर्ने क्रममा रूसको क्षेत्रीय अखण्डताको रक्षा गर्न मस्कोले सबै उपलब्ध साधनहरू प्रयोग गर्ने चेतावनी दिएका थिए ।

रुसले सेना परिचालन मात्र नभई रणनीतिक आणविक हतियार सहित, नयाँ सिद्धान्तमा आधारित हतियार लगायतका कुनै पनि रुसी हतियार आफ्नो क्षेत्रको रक्षाका लागि प्रयोग गर्न सकिने घोषणा गरेको छ ।